492. മതത്തോടുള്ള മാർക്സിസത്തിന്റെ സമീപനം.
/
എല്ലാവരും മനുഷ്യർ ആണെന്ന് അംഗീകരിക്കുന്ന തത്വ ശാസ്ത്രം മാർക്സിസം മാത്രമാണ്. ലോകമെമ്പാടുമുള്ള അധ്വാനിക്കുന്ന ജനങ്ങളുടെ ജീവിതം അഭിവൃദ്ധിപ്പെടണം എന്നതാണ് മാർക്സിസത്തിന്റെ അടിസ്ഥാനം. പ്രാചീന ശിലായുഗം മുതലാണ് മനുഷ്യന്റെ ചരിത്രം ആരംഭിക്കുന്നത് എന്നത് എല്ലാവരും പ്രാഥമിക ക്ളാസുകൾ മുതൽ പഠിക്കുന്നതാണ്. ഭൂമിക്ക് ഗോളാകൃതി ആണെന്ന് അറിയാത്ത കാലത്ത് ഭൂമിയുടെ വിവിധ ഭാഗങ്ങളിൽ വിവിധ മതങ്ങൾ രൂപം കൊണ്ടു. ഒരോ മതവും തങ്ങളുടെ മതവും ദൈവവും മാത്രം ആണ് സത്യം എന്ന് ധരിച്ചു. ഒരോ മതവും മറ്റുള്ളവയെ ശത്രുക്കൾ ആയി തീരുമാനിച്ച് കൊന്നൊടുക്കൽ തുടങ്ങി. മനുഷ്യന്റെ അറിവ് വർധിക്കുമ്പോൾ ബോധനിലവാര ത്തിലും മാറ്റം ഉണ്ടാകണം. അതിന് തയാറല്ലാത്ത സങ്കുചിത ചിന്താഗതിക്കാർ തങ്ങളുടേത് അല്ലാത്ത മതവിഭാഗങ്ങളെ കൊന്നൊടുക്കണം എന്ന നിലപാടിലാണ് ഇപ്പോഴും. അവരാണ് മതമൗലികവാദികൾ. ഇന്ത്യയിൽ അവരിൽ മുൻപന്തിയിൽ ഹിന്ദുത്വ ഭീകരാണ്. അവരുടെ ലക്ഷ്യം മതത്തെ രാഷ്ട്രീയമാക്കി മാറ്റി അധികാരവും ധനവും ആർജിക്കുക എന്നത് മാത്രം. ഏത് ദൈവത്തിലും ആർക്കും വിശ്വസിക്കാം. അത് ആരുടേയും വ്യക്തിപരമായ കാര്യം മാത്രം. എന്നാൽ എല്ലാവരും മനുഷ്യർ ആണെന്ന ശാസ്ത്ര തത്വം എല്ലാവരും അംഗീകരിക്കണം. കാരണം ശാസ്ത്രത്തെ ആർക്കും നിഷേധിക്കാൻ ആവില്ല.
//
സ്ത്രീകളെ രണ്ടാംതരം ആയി കരുതുന്നതിൽ എല്ലാ മതങ്ങളും തുല്യരാണ്. ജീവജാലങ്ങളുടെ നിലനിൽപ്പിനായി പ്രകൃതി അല്ലെങ്കിൽ ദൈവം സ്ത്രീ ശരീരത്തിൽ വരുത്തിയിട്ടുള്ള പ്രത്യേകതകളെ മതങ്ങൾക്ക് അടിത്തറ പാകിയവർക്ക് മനസിലായില്ല. അതാണ് എല്ലാ മതങ്ങളും സ്ത്രീ വിരുദ്ധതയിൽ ഒന്നായി മാറുന്നത്. സ്ത്രീകൾക്ക് വിദ്യാഭ്യാസം പാടില്ല; അവർ ജോലി ചെയ്യാൻ പാടില്ല തുടങ്ങിയ കാര്യങ്ങളിൽ ഉറച്ചുനിൽക്കുന്ന "അഫ്ഗാനിസ്ഥാൻ" എന്ന ഇസ്ലാം രാജ്യത്തെ ഭരണ കർത്താക്കൾക്ക് ഇന്ത്യയിലെ ഹിന്ദു ആർ എസ് എസ് നേതൃത്വം 2025 ൽ രാജകീയ സ്വീകരണം ആണ് നൽകിയത്.
//
."മാർക്സിസം" എന്താണെന്ന് മനസ്സിലാകണമെങ്കിൽ മതത്തോടുള്ള മാർക്സിസത്തിന്റെ സമീപനം എന്താണെന്ന് മനസിലാക്കിയാൽ മാത്റം മതി. കാറൽ മാർക്സ് മതത്തെക്കുറിച്ച് പറയുന്നത് കാണുക: "മതം" അടിച്ചമർത്തപ്പെട്ട മനുഷ്യ ജീവിയുടെ ദീർഘ നിശ്വാസമാണ്; ഹൃദയ ശൂന്യമായ ലോകത്തിന്റെ ഹൃദയമാണ്; ആത്മാവ് നഷ്ടപെട്ട അവസ്ഥയിലെ ആത്മാവാണ്; അത് ജനങ്ങളുടെ കറപ്പാണ് ".
//
ഇവിടെ നമ്മൾ പരിഗണിക്കേണ്ട ഒരു വസ്തുത, മാർക്സ് "മതം" എന്നത് പരിഗണിക്കുന്നത് ദൈവത്തെയാണ്. വാസ്തവത്തിൽ "ദൈവം" എന്നത് ഭാവനകൾ മാത്രമാണ്, എന്നാൽ "മതം" എന്നത് "ദൈവത്തെ" ഉപകരണമോ ആയുധമോ ആയി ഉപയോഗിക്കുന്നു എന്നത് ഒരു വസ്തുതയാണ്. "വർഗീയ ശക്തികൾക്ക്", രാഷ്ട്രീയ അധികാരം നേടാനുള്ള ഒരു ആയുധം ദൈവമാണ്. അതേസമയം, സാധാരണ വിശ്വാസികൾക്ക് "ദൈവം" എല്ലാറ്റിന്റെയും അഭയവും സംരക്ഷണം നൽകുന്നവനും ആകുന്നു. ഒരോ മതഗ്രന്ധങ്ങളോടൊപ്പം മാത്രമാണ് അതിലെ ദൈവങ്ങളും ഉണ്ടായിട്ടുള്ളത്. അവിടെ മാർക്സ് ചൂണ്ടിക്കാണിക്കുന്ന വസ്തുതയാണ് മനുഷ്യ സംസ്കാരം എത്രയോ വളർന്നതിന് ശേഷം മാത്രമാണ് ഇന്ന് നാം അറിയുന്ന ഭാഷകളും അതിന്റെ ലിപിയും മറ്റും ഉണ്ടാകുന്നത് എന്നതാണ്. ഒരോ ഗോത്രങ്ങളിലും സംസാര ഭാഷ ഉറച്ചാണ് അതിന് അക്ഷരങ്ങളും വാക്കുകളും മറ്റും ഉണ്ടാകുന്നത്. അതിനു ശേഷം മാത്രമാണ് നാം അറിയുന്ന മതഗ്രന്ഥങ്ങൾ ഉണ്ടാകുന്നത്.
//
ശാസ്ത്രീയമായി സ്ഥാപിക്കാൻ കഴിയുന്നതിനെ എല്ലാം മാർക്സിസം അംഗീകരിക്കുന്നു. എന്നാൽ എല്ലാ മതങ്ങളും പഠിപ്പിക്കുന്നത് മനുഷ്യന്റെ യഥാർത്ഥ ജീവിതം ജീവിതം മരണാനന്തരം ആണെന്നാണ്. ഭഗവത് ഗീത; രണ്ടാം അധ്യായത്തിൽ ബന്ധു ജനങ്ങളെയാകെ കൊന്നൊടുക്കേണ്ടി വരുന്ന ഒരു യുദ്ധത്തിന് താൻ തയ്യാറല്ല എന്ന് പറയുന്ന അർജുനനോട് ശ്രി. കൃഷ്ണൻ പറയുന്നത് "ഭൗതിക ജീവിതം സത്യമാണ് എന്ന് വിശ്വസിക്കുന്ന നീ ഒരു വിഡ്ഢിയാണ്" എന്നാണ്. ഇന്ത്യൻ ഭരണ ഘടന 51 എ(എച്) അനുസരിച്ചു് ശാസ്ത്രീയ വീക്ഷണം ഒരോ പൗരന്റെയും മൗലിക കടമയാണ്.
//
വാക്കുകൾ മറ്റു ഭാഷകളിൽ നിന്നും വിവർത്തനം ചെയ്യുമ്പോൾ ശ്രദ്ധിച്ചെല്ലിങ്കിൽ വായിക്കുന്നവരിൽ ആശയാക്കിഴപ്പം ഉണ്ടാകും. "മതം" അടിച്ചമർത്തപ്പെട്ട മനുഷ്യ ജീവിയുടെ ദീർഘ നിശ്വാസമാണ്; എന്നതിന് പകരം "കഷ്ടപ്പെടുന്നവന്റെ" ദീർഘ നിശ്വാസം" ആണ് എന്നുപറഞ്ഞാൽ ആശയം ആകെ മാറും. അവിടെ വരുന്ന വ്യത്യാസം മരിക്കുന്നതിന്റെയും കൊല്ലപ്പെടുന്നതിന്റെയും ആണ്. മരണം സ്വാഭാവികവും കൊല്ലപ്പെടുന്നത് മറ്റൊരാൾ മുഖാന്തിരവും ആണ്. അടിച്ച മർത്തപ്പെട്ട "മനുഷ്യ ജീവി" പ്രാചീന അടിമയാണ്. ദാരിദ്ര്യം അടിമത്തത്തിന്റെ ഭാഗം അല്ലാതെയും സംഭവിക്കാം. അത് പോലെ മാർക്സ് മതം എന്ന് പറയുമ്പോൾ ഉദ്ദേശിക്കുന്നത് "ദൈവം" ആണ്. ദൈവം സാങ്കല്പികവും മതം യാഥാർഥ്യവുമാണ്.
//
. .എന്നാൽ മാർക്സിന്റെ മേൽപ്പറഞ്ഞ വാക്കുകളുടെയും ആശയം എല്ലാവരും ഒരു പോലെയല്ല മനസിലാക്കുക. ചിലർ മാർക്സ് "കറപ്പ് " എന്ന വാക്ക് ഉപയോഗിച്ചത് വേദന സംഹാരി എന്ന അർത്ഥത്തിലാണ് എന്ന് മറ്റുള്ളവർക്ക് വിശദീകരിച്ചു കൊടുക്കുക കൂടി ചെയ്തു. (അവരാകട്ടെ മാർക്സിസ്റ്റ് "പണ്ഡിതർ" ആയിരുന്നു താനും). അങ്ങനെയുള്ളവർ കൈകാര്യം ചെയ്താണ് ഇന്ത്യയിലെ ഇടതുപക്ഷത്തെ ഒരു സ്ഥിതിയിൽ ആക്കിയിട്ടുള്ളത്. യഥാർത്ഥത്തിൽ മാർക്സ് "കറപ്പ് " എന്ന് പറഞ്ഞത് മയക്കുമരുന്ന് എന്ന അർത്ഥത്തിൽ തന്നെയാണ്. കാരണം മദ്യവും മയക്കു മരുന്നും തുടർച്ചയായി ഉപയോഗിക്കുന്നവർക്ക് അതിൽ നിന്ന് മോചനം ബുദ്ധിമുട്ടാണ്. "മതം" എന്ന് മാർക്സ് പറയുമ്പോൾ മാർക്സും ഉദ്ദേശിക്കുന്നത് "ദൈവ" ത്തെയാണ്. ദൈവം ഒരു സങ്കൽപ്പവും മതം ഒരു യാഥാർഥ്യവുമാണ്. ദൈവത്തിൽ വിശ്വസിക്കുന്ന ഒരാൾ അയാളുടെ കുട്ടികളെ വളർത്തിക്കൊണ്ടു വരുന്നത് തികഞ്ഞ ദൈവ വിശ്വാസത്തിലും മതപരവമായ ആചാരങ്ങളിൽ കൂടിയും ആയിരിക്കും. വളർന്നു വരുന്ന സാഹചര്യങ്ങളിൽ ബോധ--ഉപബോധ മനസുകളിൽ പൂർണമായും നിറഞ്ഞിരിക്കുന്ന ദൈവ സങ്കല്പത്തെ മാറ്റിയെടുക്കുക ബുദ്ധിമുട്ടാണ്. അല്ലെങ്കിൽ അയാൾ അത്റ മാത്റം ബൗദ്ധിക നിലവാരം ഉള്ള ആൾ ആയിരിക്കണം. ഒരു ശരാശരി മനുഷ്യന് മറ്റുള്ളവരെ അനുകരിക്കുക എന്നല്ലാതെ സ്വയം വസ്തുതകൾ കണ്ടെത്തി മുന്നോട്ടുപോകാൻ കഴിഞ്ഞെന്നു വരില്ല. വളരെ പ്റശസ്തനായ "ഈ ശ്രീധരൻ" എന്ന എൻജിനീയർ പോലും ഹിന്ദു വർഗീയപാളയത്തിൽ എത്തണമെങ്കിൽ മറ്റുള്ളവരുടെ സ്ഥിതി ഊഹിക്കാം. ഈ "ഭൗതിക പ്റപഞ്ചം എല്ലാം മായയാണ് " (ഭഗവത് ഗീത, (അദ്ധ്യായം രണ്ട്); അന്തരീക്ഷവായുവിൽ നിന്നും മാതാ പിതാക്കൾ ഇല്ലാതെ "ഹനുമാനും" (രാമായണം) ഭീമനും (മഹാഭാരതം) ഉണ്ടാകും; മരിച്ചുകഴിഞ്ഞാണ് യഥാർത്ഥ ജീവിതം എന്ന് തുടങ്ങുന്ന ബഡായി കഥകളിൽ വിശ്വസിക്കാതെ ഒരാൾക്കും വർഗീയ വാദി ആകാൻ സാധ്യമല്ല.
//
മേൽപ്പറഞ്ഞ മാർക്സിന്റെ വാക്കുകളിൽ ആരും ശ്രദ്ധിക്കാതെ പോകുന്ന ഒരു വാക്കാണ് "മതം അടിച്ചമർത്തപ്പെട്ട മനുഷ്യ ജീവിയുടെ ദീർഘ നിശ്വാസമാണ്" എന്നത്. ആ ഭാഗം മനസ്സിലാകണമെങ്കിൽ മനുഷ്യന്റെ യഥാർത്ഥ ചരിത്റം കൂടി അറിയണം. എല്ലാവരും സ്കൂളുകളിൽ പഠിക്കുന്ന കാര്യമാണ് മനുഷ്യ ചരിത്റം ആരംഭിക്കുന്നത് "പ്റാചീന ശിലായുഗം" മുതലാണ് എന്നത്. (പക്ഷെ എല്ലാവരും യാതൊരു പ്റാധാന്യവും പിന്നീട് അതിന് കൊടുക്കുന്നില്ല, (അധ്യാപകർ ഉൾപ്പെടെ). പ്രാകൃതനായി വനത്തിലും മറ്റും കഴിഞ്ഞിരുന്ന "മനുഷ്യൻ" ലക്ഷകണക്കിന് വർഷങ്ങളിലൂടെയാണ് ഇന്നത്തെ അവസ്ഥയിൽ എത്തുന്നത്. വൻ മരങ്ങളിലും ഗുഹകളിലും മറ്റും കഴിഞ്ഞിരുന്ന മനുഷ്യൻ ക്രമേണ ഒത്തുചേരുകയും ഒന്നിച്ചു താമസിക്കുകയും ഗോത്രങ്ങൾ രൂപം കൊള്ളുകയും ഗോത്രങ്ങൾ പരസ്പരം ഏറ്റുമുട്ടുകയും പരാജയപ്പെടുന്നവരെ അടിമകളാക്കുകയും അവരുടെ സ്വത്തുക്കൾ (കാലി സമ്പത്തും കൃഷി സ്ഥലങ്ങളും മറ്റും) സ്വന്തമാക്കുകയും ചെയ്തുകൊണ്ടാണ് "സ്വകാര്യ സ്വത്തി" ന്റെയും ആധുനിക ജീവിതത്തിന്റെയും ആവിർഭാവം".
. .അന്നൊന്നും ഇന്ന് അറിയുന്ന ഭാഷകളോ ദൈവങ്ങളോ ഒന്നും ഉണ്ടായിരുന്നില്ല. പിന്നീടാണ് ക്രമേണ ഭാഷകളും, ആശയങ്ങളും (ഗണിത ശാസ്ത്റം ഉൾപ്പെടെ) എല്ലാം ഉണ്ടാകുന്നത്. മിന്നൽപിണർ, ഇടിമുഴക്കം, പേമാരി, കൊടുങ്കാറ്റ്; ഭൂമി കുലുക്കം തുടങ്ങിയവ എല്ലാം എങ്ങനെയുണ്ടായി? എന്ന ജിജ്ഞാസക്ക് ബുദ്ധിജീവികൾ "സൃഷ്ടിക്കുന്ന" ഒരാളായി ദൈവത്തെ അന്നത്തെ "ബുദ്ധിമാന്മാർ" കണ്ടെത്തി. ലോകത്തിന്റെ പല ഭാഗത്തും പല പേരുകളിലായി ആ കാലത്താണ് "ദൈവങ്ങൾ" ഉണ്ടാകുന്നത്. യഥാർത്ഥത്തിൽ ദൈവം എന്നത് പൊതുവായ കുറെ ആശയങ്ങളാണ്. ഭാഷയും ലിപിയും മറ്റും ഉണ്ടായതിന് ശേഷം മാത്റമാണ് ഇന്ന് അറിയപ്പെടുന്ന "സ്വഭാവങ്ങൾ" ഉള്ള ദൈവങ്ങൾ ഉണ്ടാകുന്നത്. അവയാകട്ടെ അത് അവതരിപ്പിച്ചവർക്ക് മാത്റം അവകാശപ്പെട്ടതുമാണ്. ദൈവങ്ങളുടെ പൊതു സ്വഭാവം എല്ലാ ദൈവങ്ങളും "സ്തുതിക്കൽ" ഇഷ്ടപ്പെടുന്നവരാണ്; പ്രാർത്ഥനയോട് പ്രതികരിക്കുന്നവനാണ്; സ്വർഗ്ഗത്തിന്റെ അധിപനാണ്; എല്ലാം നിയന്ത്റിക്കുന്നത് താനാണ് എന്ന് അവകാശപ്പെടുന്നവരാണ് തുടങ്ങിയവയാണ്. എല്ലാ ദൈവങ്ങളുടെയും അധിപന്മാരായി കുറെ ആളുകളുണ്ടാകും. യഥാർത്ഥത്തിൽ അവരാണ് ഭീകരർ കാരണം അവർ പറയുന്ന കാര്യങ്ങൾ എല്ലാം അവരുടെ ഭാവനകൾ മാത്റമാണ്. അവരുടെ സ്വാർത്ഥ പൂരണത്തിനും രാഷ്ട്റീയ നേട്ടങ്ങൾക്കുമായി "ദൈവങ്ങളെ" അവർ ഉപയോഗിക്കുകയാണ്. പൊതുവെ "ദൈവങ്ങളെ" "പൂജ്യ" ത്തിനോട് ഉപമിക്കാം. പൂജ്യത്തിന് അസാമാന്യ കഴിവാണ് ഉള്ളത് - എത്റ വലിയ സംഖ്യയേയും പൂജ്യം കൊണ്ട് ഗുണിച്ചാൽ പൂജ്യം ആകും; ഒരു അക്കം ഉണ്ടെങ്കിൽ വലതു വശത്തെ പൂജ്യങ്ങൾ സംഖ്യെ വളരെ പെട്ടെന്ന് പെരുക്കി കൊണ്ടിരിക്കും; ആർക്കും പൂജ്യത്തിനെ ഒന്നും ചെയ്യാൻ ആവില്ല; തുടങ്ങിയവ. പക്ഷെ ഏതെങ്കിലും ഒരു അക്കം ഇടതുവശത്ത് ഇല്ലെങ്കിൽ പൂജ്യം വെറും പൂജ്യമാണ്. ഏതെങ്കിലും ഒരു വിശ്വാസി ഇല്ലെങ്കിൽ ആ മതത്തിലെ ദൈവങ്ങളും ഇല്ല.
//
എല്ലാവരും മനുഷ്യർ ആണ് എന്ന ലളിതമായ ബോധം ഉണ്ടെങ്കിൽ മാത്രമേ ഭൂമിയിൽ സമാധാനം ഉണ്ടാവുകയുള്ളു. നിർഭാഗ്യവശാൽ അങ്ങനെയൊരു ബോധം ആരിലും ഉണ്ടാകരുത് എന്ന അടിസ്ഥാനത്തിലാണ് എല്ലാ മതങ്ങളും പ്രവർത്തിക്കുക. നിങ്ങളുടെ ദൈവം മാത്രമാണ് ശരിയായ ദൈവം എന്നതിന്റെ അർത്ഥം മറ്റുള്ളവരെ ശത്രുവായി കാണണം എന്നാണ്. ലോകത്ത് നടക്കുന്ന ബഹുഭൂരിപക്ഷം കൊലപാതകങ്ങളുടെയും അടിസ്ഥാന കാരണം അതാണ്."ദൈവത്തെ" ആയുധമായും ഉപയോഗിക്കാം എന്നായിരുന്നു ദൈവങ്ങളെ അവതരിപ്പിച്ചവരുടെ ഉദ്ദേശം. അത് മനസിലാക്കാതെ ദൈവം രക്ഷിക്കും എന്ന് കരുതി ദൈവത്തെ ആശ്രയിക്കുന്നവരെ മറ്റുള്ളവരുടെ "ദൈവം" (ദൈവത്തിന്റെ പേരിൽ) ആക്രമിക്കുമ്പോൾ സ്വന്തം ദൈവം നിസ്സഹായ രാവുകയാണ്. ഏറ്റവും മാരകമായ ആയുധം സത്യത്തിൽ "ദൈവം" തന്നെയാണ്. എല്ലാ മതങ്ങളുടെയും നിലനിൽപ്പ് മറ്റുള്ളവരെ കൊല്ലുന്നതിലാണ്. 2002 ൽ ഗുജറാത്തിൽ നടത്തിയതും മണിപ്പൂരിൽ നടത്തിക്കൊണ്ടിരിക്കുന്നതും അതിന്റെ ഭാഗമാണ്. ഇസ്സ്റായേലിൽ കൊല്ലുന്നവരുടെയും മരിക്കുന്നവരുടെയും "ദൈവം" രണ്ട് പേരിൽ ആണെങ്കിലും (യഹോവ; അള്ളാഹു) യഥാർത്ഥത്തിൽ ഒരു ദൈവം
തന്നെയാണ്. അത് അഗീകരിക്കാനുള്ള മാനസിക വളർച്ച ഇല്ലാത്തവർ കൊന്നുകൊണ്ടും മരിച്ചുകൊണ്ടും ഇരിക്കുന്നു. അധികവും കുട്ടികളെ കൊല്ലുന്നത് ഭാവിയിൽ അവരുടെ "ഉപദ്രവം" ഇല്ലാതിരിക്കാനാണ്. എല്ലാവരും മനുഷ്യർ ആണ് എന്ന ലളിതമായ ബോധം ഉണ്ടെങ്കിൽ മാത്രമേ ഭൂമിയിൽ സമാധാനം ഉണ്ടാവുകയുള്ളു.
//
ചരിത്രപരമായ ഭൗതിക വാദം.
/
."ഗോത്റങ്ങൾ" ആവിർഭവിച്ചപ്പോൾ ഗോത്റതലവൻ രാജാവും അയാളുടെ സഹായികൾ അടിമയുടമകളും പ്രഭുക്കന്മാരും ആയി. ഗോത്റങ്ങൾ തമ്മിൽ കലഹവും പരാജയപ്പെടുന്നവരെ അടിമകളാക്കുന്നതും സാധാരണയായി. "അടിമ" മോചനത്തിന് ശ്രമിക്കാതിരിക്കാൻ അവന്റെ "അടിമത്തം" "ദൈവ വിധി" ആണെന്നും അവനെ "ആത്മാവിനെ" ക്കുറിച്ചും "സ്വർഗ്ഗ" ത്തെക്കുറിച്ചും നരകത്തെ കുറിച്ചും "പഠിപ്പിച്ചു". ഈ ഭൂമിയിലെ കഷ്ടതകൾ എല്ലാം സഹിച്ചാൽ മരിച്ചു സ്വർഗത്തിൽ ചെന്നാലെങ്കിലും രക്ഷപ്പെടാമല്ലോ എന്ന് ആ "മനുഷ്യ ജീവിയും" കരുതി. അതിന്റെ അടിസ്ഥാനത്തിലുള്ളതാണ് അവന്റെ ദീർഘ നിശ്വാസം. അവിടെ മാർക്സ് മതത്തെക്കുറിച്ച് പറഞ്ഞതെല്ലാം പ്രസക്തമായി വരും. "ജനങ്ങളുടെ കറപ്പാണ് " എന്ന പ്റയോഗത്തിലൂടെ മാർക്സ് എത്റ കൃത്യമായി മതത്തെ വിലയിരുത്തിയിരിക്കുന്നു എന്നതാണ് വസ്തുത. നിലനിൽക്കുന്ന എല്ലാ ആചാരങ്ങളും സാമൂഹ്യ നിയമങ്ങളും വിശ്വാസങ്ങളും ചൂഷക വർഗ്ഗങ്ങൾ അവരുടെ വർഗ വാഴ്ചക്കായി സൃഷ്ടിച്ചിട്ടുള്ളതാണ് എന്ന് മനസിലാക്കിയാൽ മാത്രമേ മാർക്സ് മതത്തെക്കുറിച്ച് പറഞ്ഞ "അടിച്ചമർത്തപ്പെട്ടവന്റെ ദീർഘ നിശ്വാസമാണ് മതം" എന്നതിന്റെ അർത്ഥം മനസിലാവുകയുള്ളു. അടിമയുടെ ജീവിത സാഹചര്യങ്ങൾ മനസിലാക്കിയാൽ മാത്റമേ "അടിച്ചമർത്തപ്പെട്ട മനുഷ്യ ജീവിയുടെ" എന്ന പ്രയോഗത്തിന്റെ ആശയം മനസിലാവുകയുള്ളു. അത് മനസിലാക്കാത്തവരാണ് "വേതന സംഹാരി" ആയി മാർക്സിന്റെ വാക്കുകളെ വ്യാഖ്യാനിച്ചത്.
//
അന്നത്തെ അടിമ ഇന്ന് "കൂലി അടിമ" മാത്റമാണ്. കാര്യമായ സ്വത്തൊന്നും ഇല്ലാത്ത തൊഴിലാളിക്ക് ആരുടെയെങ്കിലും കീഴിൽ പണിയെടുത്തേ മതിയാവുകയുള്ളു. ഇല്ലെങ്കിൽ അവൻ പട്ടിണിയാകും. ആരുടെ കീഴിൽ പണിയെടുക്കാം അല്ലെങ്കിൽ ആര് അവനെ ചൂഷണം ചെയ്യണം എന്ന് അവന് തീരുമാനിക്കാനുള്ള "സ്വാതന്ത്റിയം" ഉണ്ട്. ഇതാണ് മുതലാളിത്ത വ്യവസ്ഥയിലെ "തൊഴിലാളി" യുടെ സ്ഥിതി. //
അത് പരിഹരിക്കാനാണ് മാർക്സ് "സോഷ്യലിസ്റ്റ് വ്യവസ്ഥിതി" വിഭാവനം ചെയ്തത്. (നിർഭാഗ്യവശാൽ ഇന്ത്യയിലെ കമ്മ്യൂണിസ്റ്റ് പ്റസ്ഥാനങ്ങൾ 1950 കാലം മുതൽ സോഷ്യലിസം സ്ഥാപിക്കുക എന്ന ലക്ഷ്യം അംഗീകരിച്ചിട്ടില്ല, കാരണം കാറൽ മാർക്സ് സോഷ്യലിസത്തെ മുതലാളിത്ത വ്യവസ്ഥയുടെ പൂർണ വളർച്ചക്ക് ശേഷമാണ് സാധ്യമാവുക എന്ന് പറഞ്ഞത് എന്ന കാര്യവും ഇന്ത്യയിൽ ആർക്കും മനസിലായില്ല എന്നതുകൊണ്ടാണ്. മാർക്സിസം രൂപം കൊള്ളുന്നത് 1850 കാലത്താണ്; അന്ന് ലോകം അടക്കി വാണ ഇഗ്ളീഷ് ഈസ്ററ് ഇന്ത്യ കമ്പനിയെ കണക്കിലെടുത്താണ്; അതും ഇന്ത്യയിലുള്ളവർക്ക് മനസിലായില്ല; അവരാകട്ടെ ഇന്ത്യയിലെ മുതലാളിത്തം "പൂർണ" വളർച്ചയാകാൻ കാത്തിരിക്കുകയാണ്). എന്നാൽ റഷ്യയിലോ ചൈനയിലോ ലോകത്ത് മറ്റൊരിടത്തും ആർക്കും അങ്ങനെയുള്ള വിവരക്കേടുകൾ ഉണ്ടായിട്ടില്ല. ശാസ്ത്രം അതിവേഗം മാറിക്കൊണ്ടിരിക്കുമ്പോൾ മുതലാളിത്തത്തിന് പൂർണ വളർച്ച എന്ന സ്ഥിതി ഉണ്ടാവുകയില്ല. റഷ്യയിലും ഇന്ഗ്ലളണ്ടിലും എല്ലാം ഫ്യൂഡലിസത്തോടൊപ്പം മുതലാളിത്തവും വളരുകയായിരുന്നു. ഈസ്റ്റ് ഇന്ത്യ കമ്പനിയുടെ ഉടമകൾ ഫ്യൂഡൽ പ്രഭുക്കൾ ആയിരുന്നു.
സമൂഹത്തിലെ എല്ലാ വിഭാഗം ജനങ്ങളും സമൂഹത്തിന്റെയാകെ നിലനില്പിൽ പങ്കാളികളാണ്; എല്ലാവരും പരസ്പരം ആശ്രിതരാണ് എന്നതാണ് സോഷ്യലിസത്തിന്റെ അടിസ്ഥാനം. ഒരോരുത്തരും അവരവരുടെ നിലനില്പിനായിട്ടാണ് ജോലി ചെയ്യുന്നത്. അതിനവർക്ക് പ്റതിഫലവും കിട്ടുന്നുണ്ടാകും. എന്നാൽ അവർ അതോടൊപ്പം സമൂഹത്തെ സഹായിക്കുക കൂടിയാണ്. അത് അവർ ബോധപൂർവം സംഭവിക്കുന്നതാകണം എന്നില്ല. ഏതൊരാളും അയാൾക്കുവേണ്ടി ചെയ്യുന്നത് അത് സമൂഹത്തിന് ദോഷകരമല്ലെങ്കിൽ സമൂഹത്തെ സേവിക്കുക തന്നെയാണ്. എന്നാൽ ഏതൊരാളും ജോലി ചെയ്യുന്നത് മറ്റുള്ളവർ ചെയ്തിട്ടുള്ള ജോലികളുടെ തുടർച്ചയാണ്. ഡ്രൈവരുടെ ജോലി ചെയ്യുന്നയാൾക്ക് ഓടിക്കാൻ പാകത്തിലുള്ള ഏതെങ്കിലും വാഹനം ആവശ്യമാണ്. എങ്ങനെയാണ് ഒരു വാഹനം ഉണ്ടാവുക? അവിടെ ഇരുമ്പ്--കൽക്കരി ഖനികളിലെ തൊഴിലാളികൾ മുതൽ ഒരു നീണ്ട നിര തന്നെ ആവശ്യമാണ്. ഇത് നിത്യ ജീവിതത്തിലെ ഏത് ഘടകം എടുത്താലും ബാധകമാണ്. ഒരോരുത്തരും ചെയ്യുന്ന ജോലിയോടൊപ്പം അവർ സമൂഹത്തെ സഹായിക്കുക കൂടിയാണ്. അങ്ങനെ അവർ സമൂഹത്തിന്റെ ഭാഗം ആവുകയാണ്. അവിടെയൊന്നും ജാതിയോ മതങ്ങളോ വരുന്നതേയില്ല. എല്ലാവരും ജീവിക്കാൻ വേണ്ടി തൊഴിൽ ചെയ്യുകയാണ്. അവിടെയാണ് "മാർക്സിസം" നിർദേശിക്കുന്നത് തൊഴിലാളികളാണ് സമൂഹത്തെ മുന്നോട്ടു കൊണ്ടുപോകുന്നത്; അവർ ജാതി--മത ഭേദം ഇല്ലാതെ പരസ്പരം സഹകരിക്കണം എന്ന്. അവരുടെ ജീവിതം യാതനകളും ദാരിദ്ര്യവും ഇല്ലാത്തതാക്കാം എന്നതാണ് സോഷ്യലിസ്റ്റ് സാമൂഹ്യ വ്യവസ്ഥയുടെ അടിസ്ഥാനം. അങ്ങനെയൊരു കാഴ്ചപ്പാട് പാടില്ല, സ്വാർത്ഥതയുടെ അടിസ്ഥാനത്തിൽ, ഏത് വിധത്തിലും പണം ഉണ്ടാക്കണം എന്ന് മാത്റം ചിന്തിക്കുന്നവരുടെ കൂട്ടായ്മകളാണ് സോഷ്യലിസത്തിന് വിരുദ്ധമായ നിലപാട് സ്വീകരിക്കുന്നവർ. (ഇത് മാർക്സിസത്തിന്റെ അല്ലെങ്കിൽ സോഷ്യലിസത്തിന്റെ മൗലിക കാഴ്ചപ്പാടാണ്; ഇന്ത്യയിലെ ഏതെങ്കിലും രാഷ്ട്രീയ പാർട്ടികളുടെ നിലപാടുകളുമായി യോചിക്കുന്നില്ലെങ്കിൽ അതിന്റെ തകരാറ് സോഷ്യലിസത്തിന്റേതല്ല).
. .എന്നാൽ സമൂഹത്തിന് ദോഷകരമായി മാത്റം പ്റവർത്തിക്കുന്ന ചിലരുണ്ട്. എല്ലാ വർഗീയ വാദികളും സാമൂഹ്യ വിരുദ്ധരാണ്. അവരെയാണ് "സാമൂഹ്യ വിരുദ്ധർ" എന്ന് പറയുക. . .ആധുനിക കാലത്ത് മനുഷ്യ സമൂഹം എന്നാൽ ജാതിയോ മതമോ കണക്കാക്കാതെ നിത്യ ജീവിതത്തിൽ മനുഷ്യർ ഇടപഴകുന്നവർ എല്ലാവരും ചേരുന്നതാണ്. മറ്റു ജീവജാലങ്ങളെ അപേക്ഷിച്ച് മനുഷ്യർ കൂടുതൽ മെച്ചപ്പെട്ട ജീവിതം നയിക്കുന്നവരാണ്. അവിടെ ആരെയും ജാതിയോ മതമോ കണക്കാക്കി ഒഴിവാക്കാൻ ആവില്ല. ഒരു രോഗിക്ക് തന്നെ ചികില്സിക്കുന്ന ഡോക്ടർ ഏത് മതം/ജാതി ആണെന്ന് നോക്കാൻ ആവില്ല. ഒരു ഡോക്ടർക്ക് തന്റെ രോഗിയുടെ ജാതിയോ മതമോ നോക്കാനാവില്ല. അങ്ങനെ ചിന്തിക്കുന്നവർക്ക് തന്റെ തൊഴിലിനോട് നീതി ചെയ്യാനാവില്ല. ബസ്സിൽ അല്ലെങ്കിൽ ട്രെയിനിൽ യാത്റ ചെയ്യുന്നവർക്ക് അത് ഓടിക്കുന്നവരുടെ മതം/ജാതി നോക്കാനാവില്ല. മാത്റമല്ല മാനവരാശി അനുഭവിക്കുന്ന എല്ലാ ശാസ്ത്റ നേട്ടങ്ങളും മാനവരാശിയുടെ ആകെ നേട്ടങ്ങളാണ്. അവയൊന്നും ഏതെങ്കിലും പ്രത്യേക ജാതി - മതസ്ഥരുടെ ആയി കാണാനാവില്ല. എല്ലാം ഒന്ന് മറ്റൊന്നിന്റെ തുടർച്ച ആയിട്ടാണ് രൂപപ്പെടുന്നത്.
//
മാർക്സിസം സാമൂഹ്യ ശാസ്ത്രമാണ്. ജനങ്ങളെ പരമാവധി അന്ധവിശ്വാസങ്ങളിൽ തളച്ചിടുക എന്നത് ചൂഷകവർഗങ്ങളുടെ പൊതു നിലപാടാണ്. അതുകൊണ്ട് തന്നെ അവർ മാർക്സിസത്തിന് എതിരാണ്. ശ്രി. ബുദ്ധൻ ഉൾപ്പെടെയുള്ള മഹദ് വ്യക്തികൾ ജനങ്ങളെ വിദ്യാഭ്യാസം ഉള്ളവരാക്കാൻ ശ്രമിച്ചിട്ടുണ്ടെങ്കിലും ഇന്ത്യൻ ജനതയുടെ ബഹുഭൂരിപക്ഷവും ഇന്നും അന്ധവിശ്വാസങ്ങളിൽ കഴിയുന്നത് ബ്രാഹ്മണാധിപത്യം നിലനിർത്തേണ്ടത് പാവപെട്ട ജനങ്ങളെ ചൂഷണം ചെയ്യുന്നതിന് അവർക്ക് അത്യന്താപേക്ഷിതങ്ങൾ ആയതു കൊണ്ടാണ്. അന്ധ "വിശ്വാസം" രക്ഷിക്കുക എന്നത് അവർ രാഷ്ട്രീയമായി തന്നെ കാണുകയാണ്. പിന്നോക്ക വിഭാഗങ്ങൾക്ക് പരമാവധി വിദ്യാഭ്യാസം നിഷേധിക്കുക എന്നതാണ് അതിനായി അവർ കണ്ടെത്തുന്ന എളുപ്പവഴി. ഈ കാര്യങ്ങളിൽ ഇന്ത്യൻ നാഷണൽ കോൺഗ്രസും ഹിന്ദുവർഗീയ വാദികളും ഒരേ നിലപാട് തന്നെ യാണ്. അത് കൊണ്ട് തന്നെയാണ് കോൺഗ്രസും "രാമ രാജ്യത്തിനായി" നിലകൊള്ളുന്നത്.
//
. .എല്ലാവരും "മനുഷ്യ" രാണ് ; ഒരാൾക്കും "ഒറ്റയായി" ജീവിക്കാനാവില്ല എന്ന വസ്തുത കണക്കിലെടുത്ത് പരസ്പരമുള്ള സഹായസഹകരണ മനസ്ഥിതി കാത്തുസൂക്ഷിക്കാത്തവരെയാണ് സാമൂഹ്യ വിരുദ്ധർ എന്ന് പറയുക. "ഞാൻ വാങ്ങുന്ന ഏത് വസ്തുവും പണം കൊടുത്താണ് വാങ്ങുന്നത് " എന്ന് ആർക്കും പറയാം. പക്ഷെ പണം കൊടുത്തു് വാങ്ങണമെങ്കിൽ അങ്ങനെയൊരു വസ്തു അല്ലെങ്കിൽ ഉത്പ്പന്നം ആരെങ്കിലും സൃഷ്ടിച്ചിരിക്കണം. ആ വസ്തുവിന്റെ "ഉപയോഗ മൂല്യം" അയാൾ കൊടുത്ത പണത്തിന്റെ മൂല്യത്തേക്കാൾ വളരെ വലുതായിരിക്കും. പണത്തിന്റെ മൂല്യം ആ വസ്തുവിന്റെ ഉത്പാദന മൂല്യം മാത്രമാണ്. അതായത് ആ വസ്തു ഉത്പാദിപ്പിക്കാനും മറ്റും ആവശ്യമായി വരുന്ന ചെലവ്. ഒരാൾ "മരുന്ന് " വാങ്ങാൻ കൊടുത്ത പണത്തിന്റെ മൂല്യം അല്ല ആ മരുന്ന് മൂലം ജീവൻ നിലനിർത്താൻ കഴിഞ്ഞിട്ടുണ്ടെങ്കിൽ ജീവന്റെ വില. അവിടെയാണ് അത് ഉത്പാദിപ്പിക്കുന്ന തൊഴിലാളിയുടെ അദ്ധ്വാന ശക്തിയുടെ മൂല്യം; ഉത്പാദന മൂല്യവും ഉപയോഗ മൂല്യവും തമ്മിലുള്ള വ്യത്യാസം. പണിയെടുക്കുന്നവർക്കും മാന്യമായി ജീവിക്കാൻ അർഹത ഉണ്ടെന്നത് മാത്റമാണ് മാർക്സിസത്തിന്റെ "അന്തസത്ത". അത് അനുവദിക്കുകയില്ല എന്നതാണ് ലോക മുതലാളിത്തത്തിന്റെ നിലപാട്. അതാണ് സോഷ്യലിസ്റ്റ് രാജ്യങ്ങളോട് അമേരിക്ക ഉൾപ്പെടെയുള്ള രാജ്യങ്ങളുടെ ശത്റുതക്ക് കാരണം.
//
തീർച്ചയായും "പ്രകൃതി" അത്ഭുതം തന്നെയാണ്. ഓരോ ജീവികളുടേയും പാരമ്പര്യം സൂക്ഷിച്ചുകൊണ്ടും വൈവിധ്യം സൃഷ്ടിച്ചുകൊണ്ടും ഇരിക്കുന്നു. ഒരോന്നിന്റേയും ഭക്ഷണ ക്രമം; ജീവചക്രത്തിലെ ഓരോ ഘട്ടം എല്ലാം തീരുമാനിക്കുന്നു. അവയിലൊന്നും മനുഷ്യസൃഷ്ടികളായ ദൈവങ്ങൾക്ക് മനുഷ്യരിൽ കലാപം നടത്താൻ അല്ലാതെ മറ്റൊരു പങ്കും ഇല്ല.
//
//24 11 2022//
See less
.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ