398. ശ്രീ. നാരായണ ഗുരുവിനെ മനസിലാക്കേണ്ടത് "തത്വമസി" എന്ന കാഴ്ചപ്പാടിൽ ആകണം.
. ."ഒരു ജാതി, ഒരു മതം, ഒരു ദൈവം മനുഷ്യന്" എന്ന സന്ദേശം മാനവ രാശിയുടെ മുമ്പാകെ അവതരിപ്പിച്ച ശ്രീ. നാരായണ ഗുരു യഥാർത്ഥത്തിൽ എല്ലാ ജാതി--മത ചിന്തകൾക്കും ഉപരി മനുഷ്യന്റെയും മനുഷ്യത്വത്തിന്റെയും മഹത്വം ഉയർത്തിപിടിക്കുകയായിരുന്നു. ആ മഹത് വ്യക്തിത്വത്തിന്റെ മഹത്വം മനസിലാക്കാത്തവർക്ക് അദ്ദേഹത്തിന്റെ സന്ദേശം മനസിലാകാത്തത് സ്വാഭാവികം മാത്റം. "ഒരു ജാതി, ഒരു മതം, ഒരു ദൈവം മനുഷ്യന്" എന്ന് നാരായണ ഗുരു പറയുമ്പോൾ അത് മാനവരാശിയെ ആകെയാണ് കാണുന്നത് എന്നാണ് മനസിലാക്കേണ്ടത്. എന്നാൽ നിർഭാഗ്യവശാൽ എല്ലാവരെയും "മനുഷ്യർ" ആയി കാണാനുള്ള മാനസിക വളർച്ചയുള്ള മതങ്ങളോ ദൈവങ്ങളോ ഇല്ല എന്നതാണ് വസ്തുത. അത് അംഗീകരിക്കുന്നത് മാർക്സിസം അംഗീകരിക്കുന്നവർ മാത്രമാണ്. ശ്രീ. നാരായണ ഗുരു ഉപദേശിക്കുന്നതുപോലെ എല്ലാവരെയും മനുഷ്യർ ആയി കാണുന്ന ദൈവങ്ങൾ ഒന്നും ഒരു മതത്തിലും ഇല്ല. പണത്തിന് ജാതിയോ മതമോ ഇല്ല. അത് എല്ലാവർക്കും ആവശ്യമാണ്. മറ്റ് ജീവജാലങ്ങൾക്കും അതൊന്നും ഇല്ല.ഹിന്ദുമത ത്തിലെ ഏതെങ്കിലും ഒരു ദൈവം ആണെന്നിടത്താണ് ഒരു നല്ല ശതമാനം ആളുകളും എത്തിച്ചേരുന്നത്. ഹിന്ദു മതത്തിലെ എല്ലാ ദൈവങ്ങളും ബ്രാഹ്മണാധിപത്യം ഉറപ്പിക്കാനുള്ളതാണ്. ഹിന്ദുമതത്തിലെ എല്ലാ പുരാണങ്ങളും ചാതുർവർണ്യത്തിന്റെ "മഹത്വം" സ്ഥാപിക്കുന്നവയാണ്. അതല്ല നാരായണ ഗുരു നടത്തിയ "ജാതിയില്ലാ വിളമ്പരത്തിന്റെ" യും അടിസ്ഥാനം.
മനുഷ്യർക്ക് മാത്രമായി അത് നിലനിർത്തേണ്ടതില്ല.
. ."അദ്വൈതം" എന്ന ആശയം മുന്നോട്ടുവച്ച ശങ്കരാചാര്യരും മുന്നോട്ടുവച്ച ആശയം ഇതുതന്നെ ആയിരുന്നു. എല്ലാ ചരാചരങ്ങളും യഥാർത്ഥത്തിൽ ഒരേയൊരു ദൈവത്തിന്റെ സൃഷ്ടിയാണ് എന്നിടത്താണ് ശങ്കരാചാര്യർ എത്തിച്ചേരുന്നത്. യഥാർത്ഥത്തിൽ ശങ്കരാചാര്യർ എത്തിച്ചേരുന്നത് മനുസ്മൃതിയുടെയും ബ്രാഹ്മണാധിപത്യത്തിന്റേയും അർത്ഥ ശൂന്യതയിലേക്കാണ്. അദ്ദേഹം എത്റത്തോളം ആശയപരമായി "മനുഷ്യൻ" എന്നിടത്ത് എത്തിച്ചേർന്നു എന്നറിയില്ല. എന്നാൽ എല്ലാ ചരാചരങ്ങളും ഒരേയൊരു ദൈവത്തിന്റെ സൃഷ്ടി ആകുമ്പോൾ അവിടെ മനുഷ്യരുടെയിടയിൽ മാത്റം ഏതെങ്കിലും തരത്തിലുള്ള തരം തിരിവ് ഉണ്ടാവില്ല. ആ അർത്ഥത്തിലേക്കാണ് ഏതായാലും നാരായണ ഗുരു എത്തിച്ചേർന്നത്. ഇന്ത്യയിൽ "മനുഷ്യർ" ഉണ്ടാകരുത് എന്ന കാഴ്ചപ്പാടിൽ വർഗീയവാദികൾ മുന്നേറുമ്പോൾ ശ്രി. നാരായണഗുരുവിന്റെ സന്ദേശമാണ് പ്രകാശം ആകുന്നത്.
//
. .അയ്യങ്കാളിയും ശ്രീ നാരായണ ഗുരുവും ഇടതുപക്ഷവും എല്ലാം കേരളത്തിന്റെ നവോത്ഥാനത്തിൽ വലിയ പങ്കു വഹിച്ചിട്ടുണ്ട്. എന്നാൽ ബ്രാഹ്മണാധിപത്യത്തിന്റെ കാണാച്ചരടുകൾ വളരെ വളരെ ആഴത്തിലും പരപ്പിലും പിടിമുറുക്കി കൊണ്ടിരിക്കുന്നു. അത് ശ്രീ. ബുദ്ധനെ പോലും നാട് കടത്തിയതാണ്. മറ്റുള്ളവരെ അനുകരിക്കാൻ മാത്രം കഴിയുന്ന, ചിന്തിച്ച് സ്വയം ശരി മനസിലാക്കാൻ കഴിയുന്നവർ വളരെ വിരളമാണ് എന്നത് വർഗീയ പിൻതരിപ്പന്മാർക്കും ദൈവത്തെ കച്ചവടചരക്കാക്കി മുതലെടുപ്പ് നടത്തുന്ന സാമൂഹ്യ വിരുദ്ധർക്കും വളക്കൂറുള്ള മണ്ണൊരുക്കുകയാണ് ചെയ്യുന്നത്.
"താഴമൺ തന്ത്രി" പറഞ്ഞാൽ "transgenders"ന് ശബരിമലയിൽ കയറാം. യഥാർത്ഥ സ്ത്രീകൾക്ക് കയറാൻ പാടില്ല. എല്ലാ വൃത്തികേടുകളും മനസിലും ശരീരത്തിലും ഉള്ളവർക്ക് പൂജയും നടത്താം.
//
. .എല്ലാ മനുഷ്യരും സഹകരിച്ചാൽ മാത്റമേ മനുഷ്യ ജീവിതം സുഗമമായി മുന്നോട്ടു പോവുകയുള്ളു എന്നതിന്റെ അടിസ്ഥാനത്തിൽ ജാതി - മത ചിന്തകൾക്ക് ഉപരി മനുഷ്യത്വത്തിന്റെ മഹത്വം ഉയർത്തിപ്പിടിക്കുന്ന ശ്രീ. നാരായണ ഗുരുവിന്റെ സന്ദേശം ഈ കാല ഘട്ടത്തിൽ ഏറ്റവും പ്രസക്തമായി മാറുകയാണ്.
//21 09 2021//
