75.ജനകീയ ജനാധിപത്യത്തിന് വേണ്ടിയുള്ള സമരം

     75."ജനകീയ ജനാധിപത്യം" എന്നാൽ ജനങ്ങളുടെ ആധിപത്യം എന്നായിരിക്കണം അർഥം. മുതലാളിത്തത്തിൽ മൂലധനത്തിന്റെ ആധിപത്യം ആയിരിക്കും നടപ്പിലാവുക. വാക്കുകളുടെ അർഥം മാറ്റിയെടുക്കാനാവില്ല.
...........മുതലാളിത്തത്തിൽ ബൂർഷ്വാ ജനാധിപത്യം മാത്രമേ നടപ്പിലാവുകയുള്ളു. ചരിത്റപരമായി രൂപപ്പെട്ടുവന്ന സമ്പന്ന വർഗങ്ങളുടെ ഭരണ തുടർച്ചയാണത്. ഇൻഡ്യയിൽ ബ്രാഹ്മണാധിപത്യത്തിൽ അധിഷ്ഠിതമായ ചാതുർവർണ്യ വ്യവസ്ഥയും നാടുവാഴിത്തത്തിന്റെ തുടർച്ചയും ആണത്. പിന്നോക്ക വിഭാഗങ്ങളുടെ നേർക്കുള്ള പീഡനങ്ങളും അടിച്ചമർത്തലുകളും അതിന്റെ ഭാഗമാണ്. അതിൽ അടിയുറച്ച മുതലാളിത്ത സാമ്പത്തിക വ്യവസ്ഥയുടെ ചൂഷണങ്ങളിൽ നിന്നും തൊഴിലാളി വർഗ്ഗവും സാധാരണ ജനങ്ങളും മോചനം നേടേണ്ടതുണ്ട്. സാമ്പത്തിക മോചനത്തോടൊപ്പം അല്ലാതെ "ജനാധിപത്യം" മാത്രമായി മോചിതമാവുകയില്ല. "സാമ്പത്തിക അടിത്തറയാണ് രാഷ്ട്രീയ ഉപരിഘടനയെ നിർണയിക്കുക" എന്ന കാറൽ മാർക്സിന്റെ കണ്ടെത്തൽ വസ്തുതകൾ മാത്റമാണ്. സാമ്പത്തിക--രാഷ്ട്റീയ മോചനമാണ് "ജനകീയ ജനാധിപത്യ" ത്തിലൂടെ നേടിയെടുക്കേണ്ടത്.
..........പാർട്ടി പരിപാടി ഭേദഗതി ചെയ്യുകയും ജനകീയ ജനാധിപത്യത്തിനായി ജനങ്ങളെ അണി നിരത്തുകയും വേണം. "സോഷ്യലിസ്റ് സമ്പദ് ഘടന, ജനകീയ ജനാധിപത്യ ത്തിലൂടെ" എന്ന ലക്ഷ്യമാണ് നേടിയെടുക്കേണ്ടത്. സോഷ്യലിസ്റ് സാമൂഹ്യ വ്യവസ്ഥയോടൊപ്പം മാത്രമേ ജനകീയ ജനാധിപത്യം പ്രാവർത്തികമാവുകയുള്ളൂ. അതിന് മുൻനിരയിൽ നിന്ന് പോരാടേണ്ടത് തൊഴിലാളി വർഗമാണ്‌. തൊഴിലാളിവർഗം എന്ന് കേൾക്കുമ്പോൾ പലർക്കും ആശയകുഴപ്പം ഉണ്ടാകും. അത് അല്പം കൂടി വ്യക്തമാക്കി പറഞ്ഞാൽ മാർക്സിസം അന്ഗീകരിക്കുന്നവർ എന്നോ ഒരു നല്ല സാമൂഹ്യ വ്യവസ്ഥതി അന്ഗീകരിക്കുന്നവർ എന്നോ പറയാം. മാർക്സിസം അറിയപെടുന്നത് തൊഴിലാളി വർഗ്ഗത്തിന്റെ തത്വ ശാസ്ത്രം എന്നാണ്. എന്ന് പറഞ്ഞാൽ മാത്റം മതിയാവുകയില്ല. പണിയെടുക്കുകയും ദാരിദ്ര്യം അനുഭവിക്കുകയും ചെയ്യുന്ന എല്ലാവരുടേയും തത്വ ശാസ്ത്രം ആണത്. സോഷ്യലിസ്റ്റ് വ്യവസ്ഥ അങ്ഗീകരിക്കുന്ന ആർക്കും അതിൽ അണിചേരാം.

..................മാർക്സിസം എന്ന തത്വ ശാസ്ത്രം ലോക തൊഴിലാളി വർഗത്തിന് മുമ്പിൽ അവതരിപ്പിച്ച കാറൽ മാർക്സും ഫ്റെഡറിക് എൻഗൽസും തൊഴിലാളി വർഗത്തിൽ പെട്ടവരായിരുന്നില്ല. സോഷ്യലിസത്തിന്റെ സാമൂഹ്യ നീതി അന്ഗീകരിച്ചതുകൊണ്ടാണ് അവർ അതിനായി നിലകൊണ്ടത്.

"കമ്മ്യൂണിസ്റ്റ് മാനിഫെസ്റ്റൊ" യിൽ മാർക്സ് പറയുന്നത് കാണുക: "തങ്ങളോടൊപ്പം സമുദായത്തെയാകെ സർവവിധ ചൂഷണത്തിൽ നിന്നും മർദനന്തിൽ നിന്നും വർഗ വ്യത്യാസങ്ങളിൽ നിന്നും വർഗ സമരങ്ങളിൽ നിന്നും എന്നന്നേക്കുമായി മോചിപ്പിക്കാതെ, ചൂഷണവും മർദനവും നടത്തുന്ന വർഗ്ഗത്തിന്റെ - ബൂർഷ്വാസിയുടെ - പിടിയിൽ നിന്നും ചൂഷണവും മർദനവും അനുഭവിക്കുന്ന വര്ഗത്തിന്; തൊഴിലാളി വർഗത്തിന് - രക്ഷ നേടാനാവില്ല." 1848 ൽ ആണ് കമ്മ്യൂണിസ്റ്റ് മാനിഫെസ്റ്റൊ പ്രസിദ്ധീകരിക്കുന്നത്. മാർക്സിസതിന്റെ ആവിർഭാവം കാര്യങ്ങളിൽ വളരെയേറെ മാറ്റങ്ങൾ വരുത്തിയിട്ടുണ്ടെങ്കിലും ബൂർഷ്വാസി അവരുടെ ചൂഷണ സ്വഭാവത്തിൽ നിന്ന് വളരെയൊന്നും മാറിയിട്ടില്ല എന്നത് വസ്തുതകൾ തെളിയിച്ചു കൊണ്ടിരിക്കുന്നു.

.................ഇന്ത്യൻ ഭരണ ഘടന വിഭാവന ചെയ്യുന്നത് "പരമാധികാര-മതേതര-സോഷ്യലിസ്റ്റ് ജനാധിപത്യ റിപബ്ളിക് " എന്നതിന്റെ അന്തസത്ത പൂർണ അർഥത്തിൽ നടപ്പിലാകേണ്ടതുണ്ട്. ഇന്ത്യൻ ഭരണ ഘടനയിൽ സൂചിപ്പിക്കുന്ന "സോഷ്യലിസ്റ്റ് " കാഴ്ചപ്പാട് ശാസ്ത്റീയ സോഷ്യലിസത്തിന് എതിരാണ് എന്ന് ഒരിടത്തും സൂചനയില്ല. ശാസ്‍ത്രീയ സോഷ്യലിസത്തിനായി ജനങ്ങളെ അണിനിർത്തരുത് എന്ന സൂചനയും ഒരിടത്തും ഇല്ല. എന്നാൽ ശാസ്ത്രീയ വീക്ഷണങ്ങൾ അന്ഗീകരിക്കുന്ന തൊഴിലാളി വർഗ രാഷ്ട്രീയ പ്രസ്ഥാനങ്ങൾക്ക്‌ മാത്രമേ അത് സാധ്യമാക്കാൻ ആവുകയുള്ളൂ. മുതലാളിത്തം പ്രോത്സാഹിപ്പിക്കുക എന്ന നിലപാടിൽ നിന്ന് വ്യതിചലിച്ചുകൊണ്ട് ഒരു നല്ല സാമൂഹ്യ വ്യവസ്ഥ എന്ന ലക്ഷ്യത്തിനായി തൊഴിലാളി വർഗത്തെയും സാധാരണ ജനങ്ങളെയും അണിനിരത്തണം. സോഷ്യലിസം എന്ന ലക്ഷ്യം അംഗീകരിക്കുമ്പോൾ മാത്രമേ ശാസ്ത്രീയമായ സാമൂഹ്യ വീക്ഷണം ഉണ്ടാവുകയുള്ളു. വർഗീയ - ഫാസിസ്റ്റ് കളുടെ പിടിയിൽ നിന്നും ജനങ്ങളെ രക്ഷിക്കുന്നതിനും അത് അത്യന്താപേക്ഷ്യമാണ്. .................മാർക്സിസത്തിന്റെ അവിഭാജ്യ ഭാഗമായ വർഗ സമരത്തിന്റെ കാഴ്ചപ്പാടിൽ തന്നെ തൊഴിലാളി വർഗത്തെ ഇന്ത്യയിലെ ചൂഷക വർഗ്ഗങ്ങൾക്കെതിരെ അണിനിരത്തുകയും തൊഴിലാളി വർഗ്ഗത്തെ അടിച്ചമർത്തുന്ന ചൂഷക വർഗങ്ങളുടെ മർദ്ദനോപകരണമായ "ഭരണകൂടം" തൊഴിലാളിവർഗത്തിന്റേതാകണം എന്ന രാഷ്ട്രീയ ലക്ഷ്യമാകണം "ജനകീയ ജനാധിപത്യം സ്ഥാപിക്കുക" എന്നതിലൂടെ നേടിയെടുക്കേണ്ടത്. ആധുനിക പാർലമെന്ററി ജനാധിപത്യത്തിന്റെ പ്രത്യേകതകളായ സംഘടനാ സ്വാതന്ത്ര്യം; അഭിപ്രായ സ്വാതന്ത്ര്യം; സോഷ്യലിസം എന്ന ലക്‌ഷ്യം അംഗീകരിക്കുന്ന ഭരണ ഘടന; ജനങ്ങൾക്കുള്ള പരമാധികാരം തുടങ്ങിയ മൗലികാവകാശങ്ങൾ ഉപയോഗിച്ചുകൊണ്ട് തന്നെ ഇൻഡ്യൻ തൊഴിലാളി വർഗത്തിന് മേൽപ്പറഞ്ഞ ലക്ഷ്യങ്ങൾ നേടിയെടുക്കാനാകും; ഉറച്ച ലക്ഷ്യ ബോധം ഉണ്ടെങ്കിൽ. ഒരോ അഞ്ചു വർഷവും ഭരണകൂടത്തെ നിലനിർത്തുന്നതിനോ അഥവാ മാറ്റുന്നതിനോ ജനങ്ങൾക്കുള്ള പരമാധികാരത്തെ കണ്ടില്ലെന്ന് ഭാവിക്കാനാവില്ല. കാറൽ മാർക്സിന്റെ കാലത്തോ 1950 കൾക്ക് മുൻപുള്ള ഇന്ത്യൻ രാഷ്ട്രീയത്തിലോ ഈ സാഹചര്യം ഉണ്ടായിരുന്നില്ല.എന്നാൽ സാധാരണ ജനങ്ങളുടെ മോചനത്തിനായുള്ള പോരാട്ടത്തിൽ അണിനിരക്കുന്നവർ അവരെ ഒപ്പം നിർത്തുന്നതിനും അവരുടെ വിശ്വാസം ആർജിക്കുന്നതിനും പരമ പ്റാധാന്യം നില്കേണ്ടതുണ്ട്. അവരുടെ വിശ്വാസത്തിന് കോട്ടം തട്ടുന്ന ഒരു തരത്തിലുള്ള പ്രവർത്തനങ്ങളും ഉണ്ടാകാതിരിക്കുന്നതിന് തൊഴിലാളി വർഗം നിതാന്ത ജാഗ്രത പുലർതുകയും വേണം.

..............മുതലാളിത്ത വ്യവസ്ഥയിൽ നിലനിൽക്കുന്ന "രാഷ്‌ട്റീ" യത്തിലെ പണത്തിന്റെ മേൽക്കയിലും ജാതി-വർഗീയതയിലും മനം മടുപ്പുള്ള വലിയ ജന വിഭാഗങ്ങൾ ഉണ്ടെന്നതും വസ്തുതകൾ മാത്റമാണ്‌. പൊതുരംഗത്ത് നിലകൊള്ളുന്നവരിൽ കളങ്കരഹിതരായവർക്ക് സമൂഹം വലിയ അംഗീകാരം ആണ് നൽകുന്നതെന്ന് സ.ഇ എം എസ്; ജ്യോതിബസു തുടങ്ങിയ തൊഴിലാളിവർഗത്തിന്റെ കരുത്തരായ നേതാക്കളെല്ലാം ഉദാഹരണങ്ങളാണ്. അഴിമതിക്കും രാഷ്ട്രീയത്തിലെ വ്യവസായ വത്ക്കരത്തിനും (രാഷ്ട്റീയം ധനസമ്പാദനത്തിനുള്ള ഉപായം ആയി കാണുന്ന ബൂർഷ്വാ--പെറ്റി ബൂർഷ്വാ രാഷ്ട്രീയം) എതിരായുള്ള പോരാട്ടമായി ജനകീയ ജനാധിപത്യത്തിനായുള്ള പോരാട്ടം മാറ്റിയെടുക്കണം. .............രാഷ്ട്രീയത്തിൽ സത്യസന്ധതയും ജനങ്ങളുടെ താത്പ്പര്യങ്ങൾ സംരക്ഷിക്കുന്നതിൽ ആത്മാർത്ഥതയും ഉണ്ടാകണം എന്ന് ആഗ്രഹിക്കുന്ന ജനങ്ങളുടെ താൽപ്പര്യമാണ് 2020 ജനുവരിയിൽ ഡൽഹി അസംബ്ളി തെരെഞ്ഞെടുപ്പിൽ ആം ആദ്മി പാർട്ടിക്ക് എഴുപതിൽ അറുപത്തി രണ്ടു സീറ്റിലും വിജയം നേടിക്കൊടുത്തത്. "ആം ആദ്മി പാർട്ടി" എന്നത് പെറ്റി ബൂർഷ്വാ സ്വഭാവം മാത്റമുള്ള ഒരു രാഷ്ട്രീയ പാർട്ടി ആണെങ്കിൽപോലും അവരുടെ അഴിമതിക്കെതിരെയുള്ള നിലപാടിനാണ് ജനങ്ങൾ അംഗീകാരം കൊടുത്തത്. ഈ കാര്യത്തിൽ എത്റയോ ഉന്നത നിലവാരത്തിൽ തൊഴിലാളി വർഗ പ്രസ്ഥാനങ്ങൾക്ക് പ്രവർത്തിക്കാൻ കഴിയും എന്ന് ജനങ്ങളെ ബോധ്യപ്പെടുത്താൻ നമുക്ക് കഴിയും. അതായിരിക്കും നമ്മുടെ പ്രവർത്തനങ്ങളുടെ അടിത്തറയും.
....18 01 2015....(Updated).....
//////////////////////////////////////////////////////////////////////////////////////////////////////////////////////////////

93.രാജവാഴ്ച (ഫ്യൂഡലിസം) തകർത്ത് ബൂർഷ്വാസി അധികാരം പിടിച്ചെടുക്കുന്നതിനെയാണ് ജനാധിപത്യ വിപ്‌ളവം അല്ല്ലെങ്കിൽ ബൂർഷ്വ വിപ്‌ളവം എന്ന് പറയുക. ഇന്ത്യയിൽ അത് നമ്മുടെ സ്വാതന്ത്ര്യ ലബ്ദിയോടെ കഴിഞ്ഞു. അതോടെ ഇന്ത്യയിൽ ബൂർഷ്വാ പർലമെന്ററി ജനാധിപത്യം നടപ്പിലായി. ഇനിയും മാറേണ്ടത് സോഷ്യലിസ്റ്റ് ജനാധിപത്യത്തിലേക്ക് (ജനകീയ ജനാധിപത്യം) ആണ്. ലെനിന്റെ ഒരു കൃതിയിൽ പറയുന്നുണ്ട് കൊളോണിയൽ രാജ്യങ്ങളിലെ സ്വാതന്ത്ര്യ സമരങ്ങൾ ബൂർഷ്വ വിപ്ലവങ്ങൾ  കൂടി ആയിരിക്കും എന്ന്. സ്വാന്തന്ത്ര്യ പ്രാപ്തിയോടെ അത് പൂർത്തിയാകും എന്നും പറയുന്നുണ്ട്. 1924 -ൽ ലെനിൻ അന്തരിച്ചു. എന്നാൽ എത്ര കൃത്യമായി കാര്യങ്ങൾ മനസിലാക്കുന്നു എന്നതാണ് നാം ഓർക്കേണ്ടത്. നമ്മുടെ സ്വാന്ത്ര്യ സമരത്തിൽ ബൂർഷ്വാസിക്കായിരുന്നു നേതൃത്വം. അവർ ഭരണാധികാര ശക്തിയുമായി. 

..........ഫ്യുഡലിസം രാജ വാഴ്ചയാണ്. അവിടെ തെരഞ്ഞെടുപ്പ് എന്ന പ്രശ്നമേയില്ല. ഒന്നും അറിയില്ലായിരുന്നു എന്നതാണ് ഇ എം എസിന് സംഭവിച്ച കുഴപ്പം. ഫ്യുഡലിസത്തിൽ രാജാവിനെ സഹായിക്കുന്ന "പ്റഭുക്കന്മാർക്" കൊല്ലും കൊലയ്ക്കും അധികാരം ഉള്ളവരാണ്. സ്വന്തമായി സൈന്യങ്ങൾ വരെ ഉള്ളവർ. അവർ യുദ്ധങ്ങളിൽ രാജാവിനെ സഹായിക്കും. പ്രഭുക്കന്മാർക്ക് നികുതി പിരിക്കാം. അതിൽ നിന്നും രാജാവിന് പങ്കു കൊടുക്കണം. ബാക്കി സൈന്യത്തെ സംരക്ഷിക്കാൻ ഉപയോഗിക്കാം. അങ്ങനെയുള്ള പ്രഭുക്കന്മാർ ഇന്ത്യയിൽ ഒരിടത്തും ഇല്ല. ഇവിടെയുള്ളത് വ്യവസായി ആയ കൃഷിക്കാർ മാത്റം. കുറെ ഭൂമി കൈവശം ഉള്ളതുകൊണ്ട് ആരും പ്രഭുക്കന്മാർ ആവില്ല. 
സ്വതന്ത്റ ഇൻഡ്യയിൽ ആദ്യ ഘട്ടത്തിൽ അത് ഇൻഡ്യയിലും ഉണ്ടായിരുന്നു. ഇപ്പോൾ നമ്മുടെ ഭരണ ഘടനയാണ് എല്ലാം.
..............സോഷ്യലിസത്തിന്റെ പ്രസക്തി ലെവലേശം കുറച്ചു കാണുക എന്നാൽ ബൂർഷ്വാ ആശയങ്ങൾക്കിട നല്കുകയായിരിക്കും ഫലം എന്നും ലെനിൻ പറയുന്നുണ്ട്.  

.............1950 കളിൽ തന്നെ സോഷ്യലിസ്റ്റു ഭാരതം എന്ന ലക്ഷ്യം അന്ഗീകരിച്ചിരുന്നു എങ്കിൽ ഇൻഡ്യയുടെ സ്തിതി ഇന്നത്തേത് ആകുമായിരുനന്നില്ല. കേരളത്തിൽ നടപ്പിലാക്കിയത്‌ പോലുള്ള ഭൂപരിഷ്കരണങ്ങൾ മറ്റ്  സംസ്ഥാനങ്ങളിൽ നടപ്പിലായിട്ടില്ല എന്നതും ചാതുര് വർണ്യത്തിൽ അധിഷ്ടിതമായ സാമൂഹ്യ വ്യവസ്ഥ നിലനില്ക്കുന്നുണ്ട് എന്നതും വസ്തുതയാണ്. എന്നാൽ അതിനെ ഫ്യൂടലിസം  ആയി ചിത്രീകരിക്കുന്നത്  ഫ്യൂടലിസം എന്താണ് എന്ന് അറിയാത്തത് കൊണ്ടാണ്. ............രാജ വാഴ്ചയെ സംരക്ഷിച്ച്‌  നിലനിർത്തുന്ന "കൊല്ലും കൊലക്കും അധികാരമുള്ള" നാടുരാജാക്കന്മാർ ആണ്  ഫ്യൂടൽ പ്രഭുക്കന്മാർ.  അങ്ങനെയുള്ള ഫ്യൂടൽ വാഴ്ച ഇന്ത്യയിൽ ഒരിടത്തും ഇപ്പോൾ  ഇല്ല. "വ്യവസായി ആയ കർഷകൻ" ആണ് ഇന്ത്യയിൽ ഉള്ളത്.  

...........കാറൽ മാർക്സിന്റെ "മൂലധനം" എന്ന കൃതിയുടെ    "മൂലധനത്തിന്റെ ആദിമ സഞ്ചയം"  എന്ന അധ്യായത്തിൽ  ഇന്ഗ്ലണ്ടിൽ പതിനേഴാം നൂറ്റാണ്ടിൽ പ്രഭുക്കന്മാർ  25-30 ഏക്കർ വരെ കൃഷി സ്ഥലം സ്വന്തമായി ഉണ്ടായിരുന്ന കൃഷിക്കാരെ  അവരുടെ കൃഷി-വാസ സ്ഥലങ്ങളിൽ നിന്നും ബലമായി കുടിയൊഴിപ്പിച്ച് അവരുടെ  കൃഷി സ്ഥലങ്ങൾ പിടിച്ചെടുത്ത്  പരുത്തി കൃഷിക്കായും ആട് വളർത്തൽ  സ്ഥലങ്ങളായും  മാറ്റി എന്ന് പറയുന്നുണ്ട്. പ്രഭുക്കന്മാരെ ചോദ്യം ചെയ്യാൻ ആരും ഉണ്ടായിരുന്നില്ല. വാസ സ്ഥലങ്ങൾ  നഷ്ടപ്പെട്ട്  നിരാലംബർ  ആയി അലഞ്ഞ്  തിരിഞ്ഞവരെ  പിടിച്ച്  പ്രത്യേകം മുദ്ര  അടിച്ച്  ജയിലിലാക്കി. പിന്നീട് അവരെ പുതിയതായി തുടങ്ങിയ പരുത്തി തുണി ഫാക്ടറികളിലെ തൊഴിലാളികളും ആക്കി. 

...........ഇന്ഗ്ലണ്ടിൽ പ്രഭുക്കന്മാർ തന്നെയാണ്  മുതലാളിമാർ ആയതും. "മൂലധനം" എങ്ങനെയാണ് വളര്ന്നു വന്നത് എന്നതിന്റെ ചില സൂചനകളാണ് ഇവിടെ മാർക്സ് നല്കുന്നത്.  കൂടുതൽ ഭൂമി ഉള്ളതുകൊണ്ട്  മാത്രം അത് ഫ്യൂടലിസം  ആവില്ല. മുതലാളിത്ത വളർച്ചയുടെ  ഭാഗം മാത്രം ആണത്.  ഇൻഡ്യയിൽ  സോഷ്യലിസ്റ്റ് ഭാരതം എന്ന ലക്ഷ്യം അംഗീകരിക്കാൻ സഘാക്കൾ ഇപ്പോഴും പറയുന്ന ന്യായം അതൊക്കെ ആയിരിക്കും. 

..........റഷ്യയിൽ സാർ ചക്രവർതിയുടെ വാഴ്ച (ഭരണം) ആയിരുന്നിട്ടും  അവികസിത മുതലാളിത്തം ആയിരുന്നിട്ടും സോഷ്യലിസം എന്ന ലക്‌ഷ്യം അംഗീകരിക്കാൻ അതൊന്നും ലെനിന് തടസ്സം ആയില്ല. അവികസിത മുതലാളിത്തത്തിൽ നിന്നും സോഷ്യലിസത്തിലേക്ക് പോകാമെന്ന് ലെനിൻ തെളിയിച്ചു. അത് കൊണ്ടാണ് "മാർക്സിസം"  ... "മാർക്സിസം-ലെനിനിസം" ആയത് ; അല്ലാതെ എങ്ങനെ ഭരണം പിടിച്ചെടുത്തു എന്നത് കൊണ്ടല്ല. ജനാധിപത്യം ഇല്ലാതിരുന്നത്  കൊണ്ടാണ് സായുധ വിപ്ലവത്തിന്റെ പാത അവിടെ സ്വീകരിക്കേണ്ടി വന്നത്.  ഇൻഡ്യയിൽ  പ്രവർത്തന സ്വാതന്ത്ര്യവും ജനാധിപത്യവും നിലനിൽക്കുന്നത്  അനുകൂല സാഹചര്യം ആയിട്ടാണ് കാണേണ്ടത്. ചരക്ക്  ഉൽപ്പാദനം; വിശ്വാസം; രാഷ്ട്രീയം തുടങ്ങി സമസ്ത മേഘലകളെയും ചൂഷണത്തിനുള്ള മേഘലകളാക്കി  ബൂര്ഷ്വാസി മാറ്റുന്നു. വിലകയറ്റം; അഴിമതി;വിശ്വാസത്തിന്റെ പേരിലുള്ള ചൂഷണങ്ങൾ എല്ലാം മുതലാളിത്തത്തിന്റെ ഭാഗമാണ്. മുതലാളിത്തം പ്രോത്സാഹിപ്പിക്കാൻ തീരുമാനിച്ചുകൊണ്ട്  അഴിമതിക്കെതിരെയും മറ്റും സമരം ചെയ്യുന്നത്  വൃഥാ വ്യായാമങ്ങൾ മാത്രം ആണ്.
............31 032015...............