ബൂർഷ്വാ (Bourgeois) പർലമെന്ററി ജനാധിത്യം 73.മുതലാളിത്ത സാമൂഹ്യ വ്യവസ്ഥയിലെ ജനാധിപത്യത്തിനാണ് ബൂർഷ്വാ ജനാധിപത്യം എന്ന് പറയുക. മാർക്സിന്റെ കാലത്തെ ജനാധിപത്യ സങ്കല്പങ്ങളിൽ നിന്ന് ആധുനിക പാര്ലമെന്ടറി ജനാധിപത്യം വളരെയേറെ മാറ്റം വന്നിട്ടുണ്ട്. സ്വതന്ത്റമായ നീതിന്യായ വ്യവസ്ഥ; ജനങ്ങളാൽ തെരഞ്ഞെടുക്കുന്ന നിയമ സഭ; ഭരണ നിർവഹണ സംവിധാനം; മാധ്യമ സ്വാതന്ത്ര്യം എന്നിവ പാർലമെന്ററി ജനാധി-പത്യത്തിന്റെ നാല് നേടുംതൂണുകൾ ആണെന്നാണ് വയ്പ്പ്. സാധാരണഗതിയിൽ ആരും ഇത് തികച്ചും കുറ്റമറ്റതാണെന്ന് കരുതും. എന്നാൽ സാധാരണ ജനങ്ങൾക്ക് ഇവയൊന്നും ഗുണകരമാകാത്ത രീതിയിൽ ഇവയ്ക്കെല്ലാം ഉപരിയായി പണം (മൂലധനം) പ്റവർത്തിച്ചുകൊണ്ടിരിക്കും. 2. ഇൻഡ്യയിൽ 1947.ലെ അധികാര കൈമാറ്റത്തിന് ശേഷം അധികാരത്തിൽ എത്തിയ കോണ്ഗ്രസ് ആദ്യ കാലങ്ങളിൽ സോഷ്യലിസതിലേക്കാണ് പോകുന്നത് എന്ന തോന്നൽ സാധാരണക്കാരിൽ ഉണ്ടാക്കിയെന്നത് നേരാണ്. എന്നാൽ ശാസ്ത്റീയ അടിസ്ഥാനങ്ങളിൽ ഉറച്ചു കൊണ്ടല്ലാതെ സോഷ്യലിസത്തിലേക്ക് പോകാൻ ആവില്ല എന്നതും അതിന് കോണ്ഗ്രസ്സിന് ആവില്ല എന്നതും ഇൻഡ്യയിലെ എസ് ഏ ഡാന്ഗെ തുടങ്ങിയവർക്ക് മനസിലായില്ല. അതാണ് കോണ്ഗ്രസ്സുമായി സഘ്യം എന്ന ധാരണയിൽ അവർ എത്തിയത്. ബൂർഷ്വാ പാർലമെന്ററി ജനാധിപത്യത്തിന്റെ ചരിത്റ പരമായ പാതയിൽ നിന്നും പുറത്തുകടക്കാൻ ഏതെങ്കിലും ഒരു വ്യക്തി ശ്റമിച്ചാൽ പോലും അവർക്ക് അതിന് ആവില്ല എന്നത് വസ്തുതയാണ്. എല്ലാ രാജ്യങ്ങളിലും കാര്യങ്ങൾ അങ്ങനെയാണ് പോകുന്നത്. വസ്തുനിഷ്ടമായി കാര്യങ്ങൾ മനസ്സിലാക്കാൻ ശ്റമിക്കുന്നവർക്ക് അത് മനസ്സിലാകും. കോണ്ഗ്രസിന്റെ മിശ്റ സമ്പത്ത് ഘടന എന്ന കാഴ്ചപാടിൽ നിന്നുപോലും പിന്നീട് അവർ അകന്നുപോയി. അടിയന്തിരാവസ്ഥ കാലത്ത് ജനങ്ങളെ വഞ്ചിക്കുന്നതിനായി ഭരണ ഘടന ഭേദഗതി ചെയ്ത് "സോഷ്യലിസ്റ്റ് " എന്ന വാക്ക് കൂടി കൂട്ടി ചേർത്തെങ്കിലും ആ വാക്കിനോട് നീതി പുലർത്താൻ അവർ ശ്റമിച്ചില്ല. ഇന്ദിരാ ഗാന്ധിയുടെ ദാരുണമായ അന്ത്യത്തിന് ശേഷം അധികാരം ഏറ്റെടുത്ത രാജീവ് ഗാന്ധിയും തുടർന്നുള്ളവരും അതിവേഗം വികസിത മുതലാളിത്തത്തിലേക്ക് കൊണ്ടുപോകാനാണ് ശ്റമിച്ചത്. മുതലാളിത്തം കടന്നുവന്ന പൈശാചികമായ പാതയിൽ നിന്നും ഇന്ത്യൻ ബൂർഷ്വാസിയും ഒട്ടും പുറകിലല്ല എന്ന് ആയിരക്കണക്കിന് ആളുകൾ പിടഞ്ഞുവീണ് മരിക്കാൻ ഇടയായ "ഭോപ്പാൽ വിഷ വാതക" ദുരന്തത്തിന് കാരണക്കാരൻ ആയ ബഹുരാഷ്ട്റ ഭീമനെ ഇൻഡ്യയിൽ നിന്ന് രക്ഷപെടാൻ സഹായിക്കുന്നതിലൂടെ രാജീവ് ഗാന്ധിയും തെളിയിച്ചു. 1991 ൽ സോവിയറ്റ് യൂണിയനിൽ പാർടി ജനറൽ സെക്റട്ടറി തന്നെ പാർടിയെ നിരോധിക്കുകയും സോവിയറ്റ് യൂണിയൻ പിരിച്ചുവിടുകയും ചെയ്തപ്പോൾ ഇൻഡ്യൻ നാഷണൽ കോണ്ഗ്രസിന്റെ തനിനിറം വ്യക്തമായി. സാംബ്റാജ്യത്വ വിധേയത്വത്തിന്റെ ബീഭൽസമുഖം വ്യക്തമാവുകയായിരുന്നു പിന്നീട് ഉണ്ടായത്. സാംബ്റാജ്യത്വ ശക്തികൾ മുന്നോട്ടുവച്ച എല്ലാ വ്യവസ്ഥകളും അവർ അംഗീകരിച്ചു................................................................................................................(തുടരും)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ