324. 1850കളിൽ ലോകം അടക്കിവാണ ഇഗ്ളീഷ് ഈസ്റ് ഇന്ത്യ കമ്പനിയെ
വിലയിരുത്തി ഇങ്ഗ്ലണ്ടിൽ വിപ്ലവം നടത്തുന്നതിനായിട്ടാണ് മുതലാളിത്തം പൂർണ വളർച്ച ആയതായി മാർക്സ് വിലയിരുത്തിയത്. അവിടെയാകട്ടെ ഒന്നും നടന്നില്ല. 1917 ൽ റഷ്യയിൽ വിപ്ലവം നടന്നപ്പോൾ അവിടത്തെ മുതലാളിത്തം പൂർണമായി വളർന്നുവോ എന്നൊന്നും ലെനിൻ നോക്കിയില്ല.
ഇന്ത്യയിൽ 1950 കളിൽ എസ് എ ഡാങ്കെയും മറ്റും കണക്കിലെടുത്തത് മാർക്സ് ഇഗ്ളീഷ് ഈസ്റ്റ് ഇന്ത്യ കമ്പനിയെ വിലയിരുത്തി 1850 കാലത്ത് പറഞ്ഞത് മാത്രമാണ്. 125 കോടിയിലധികം ജനത്തെയാണ് അത് ദോഷകരമായി പരിണമിച്ചത്. ഒരു രാജ്യത്തെ ആകെയാണത് ബാധിച്ചത്. എഴുപത് വർഷങ്ങൾക്ക് ശേഷവും ഇന്ത്യയിലെ കമ്മ്യൂണിസ്റ്റു നേതൃത്വത്തെ ആ നിലപാടിൽ നിന്നും തിരുത്തുന്നത് അസാധ്യമായി തീർന്നിരിക്കുന്നു. മുതലാളിത്തം വളരുക സാമ്പ്രാജ്യത്തം ആയിട്ടാണെന്നത് പോലും മനസിലാകുന്നില്ല.
.........."എന്ത് ചെയ്യണം?" എന്ന കൃതിയിൽ ലെനിൻ പറയുന്നത് മുതലാളിത്ത വ്യവസ്ഥയിൽ തൊഴിലാളി വർഗം നടത്തുന്ന സമരങ്ങൾ "തുറന്നു കാട്ടൽ സമരങ്ങൾ ആയിരിക്കണം" എന്നാണ്. അതായത് എന്താണ് മുതലാളിത്ത വ്യവസ്ഥ എന്നും എന്താണ് ബൂർഷ്വാ ചെറ്റത്തരങ്ങൾ എന്നും തൊഴിലാളി വർഗ്ഗത്തേയും സാധരണ ജനങ്ങളേയും പഠിപ്പിക്കാൻ ഉള്ളവ ആയിരിക്കണം മുതലാളിത്ത സാമ്പത്തിക ക്റമത്തിൽ തൊഴിലാളി വർഗം നടത്തുന്ന സമരങ്ങളിലൂടെ നടത്തേണ്ടത്. തൊഴിലാളി വർഗ്ഗങ്ങൾ നടത്തുന്ന സമരങ്ങളിലൂടെ "തൊഴിലാളി വർഗ്ഗത്തിൽ തങ്ങൾ ഒരു വർഗം ആണ് എന്ന "വർഗ ബോധം" ഉണ്ടാക്കണം; വർഗ ബോധം "വർഗ സമരം" ആയും,; വർഗ സമരം "വർഗ വിപ്ളവം" ആയും അത് സോഷ്യലിസ്റ്റ് വ്യവസ്ഥയിലും എത്തിച്ചേരണം.
..........അടവ് നയം എപ്പോഴും ചൂഷക വർഗങ്ങളുടെ താൽപ്പര്യം സംരക്ഷിക്കുന്നത് ആകുമ്പോൾ തൊഴിലാളി വർഗം അകന്നുകൊണ്ടിരിക്കും. മാർക്സിസത്തെ കുറിച്ച് വിദൂര ധാരണകൾ പോലും ഇല്ലെന്നതാണ് അടിസ്ഥാനപരമായ തകരാർ. ആരുടെ അഴിമതിയും നാം സ്വീകരിക്കും എന്നതാണ് കാര്യം. കോൺഗ്രസിന്റെ അഴിമതി യെച്ചൂരിക്കും ബംഗാൾ CPIM നും പൂർണ സ്വീകാര്യം ആണ്. അതിന്റെ തുടർച്ചയാണ് കെ എം മാണി. ഇതും മുതലാളിത്തം പ്രോത്സാഹിപ്പിക്കുന്നതിന്റെ ഭാഗം ആണ്.
..........ഇപ്പോഴത്തെ പാർട്ടി "പരിപാടി" യിൽ തുടരുക എന്നതിനർത്ഥം യാതൊരു ലക്ഷ്യവും ഇല്ലാത്ത ഒരു കമ്മ്യൂണിസ്റ്റ് പാർട്ടി ആയി തുടരുക എന്ന് മാത്രമാണ്, കാരണം എത്ര നാൾ പ്രോത്സാഹിപ്പിച്ചാലും മുതലാളിത്തം ഒരിക്കലും ഒരു കമ്മ്യൂണിസ്റ്റ് പാർട്ടിയുടെ ലക്ഷ്യം ആവില്ല എന്നത് തന്നെ. പാർട്ടി പൂർണമായും ഇലാതാകുന്നത് മാത്രം ആയിരിക്കും ഫലം.
ഇന്ത്യയുടെ ആകെ സമ്പത്തിന്റെയും 74 ശതമാനവും അനുഭവിക്കുന്നത് കേവലം 10* ശതമാനം ഇന്ത്യക്കാരാണ്. അതിൽ സിംഹ ഭാഗവും 63 അതി സമ്പന്നർ. അതിനർത്ഥം 90 ശതമാനവും ദാരിദ്ര്യം അനുഭവിക്കുന്നു എന്നാണ്. ഇവയൊക്കെ അറിഞ്ഞുകൊണ്ട് അതി സമ്പന്നരെ സഹായിക്കാൻ നില കൊള്ളുക എന്നതിനർത്ഥം എന്താണ്? സോഷ്യലിസത്തിന് എതിരാണ് എന്ന് മാത്രമാണ് അർഥം.
(അടുത്ത പാർട്ടി കോൺ ഗ്രസിൽ തന്നെ പാർട്ടി പരിപാടി ഭേദഗതി ചെയ്യാൻ കഴിയണം.)
(2020 ജനുവരി 21 ലെ മാതൃഭൂമി ദിനപത്രം)*
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ