. 299. പാർലമെന്ററി ജനാധിപത്യം സോഷ്യലിസത്തിന് എങ്ങനെയാണ് തടസ്സമാവുക?
...........പാർലമെന്ററി ജനാധിപത്യത്തിൽ സോഷ്യലിസം അസ്സാദ്ധ്യമാണെന്നും സ. ഇ.എം.എസ്. ന്റെ "തൊഴിലാളി വർഗ രാഷ്ട്രീയത്തിന്റെ ശാസ്ത്രവും കലയും" എന്ന കൃതിയുടെ 53 - മത്തെ പേജിൽ പറയുന്നുണ്ട്. ഇതാകട്ടെ വസ്തുതകൾക്ക് നിരക്കുന്നതല്ല താനും. ഒരു രാജ്യത്തെ ജനങ്ങളെ ആകെ കണക്കിലെടുത്തു് ജനങ്ങൾക്ക് എല്ലാ മേഖലകളിലും ജീവിതം സുരക്ഷിതമാക്കുന്നതിനുള്ള പദ്ധതികൾ ആസൂത്രണം ചെയ്യണം. അതിനാണ് "സോഷ്യലിസ്റ്റ് പ്ളാനിങ് " എന്ന് പറയുക. എല്ലാവർക്കും പാർപ്പിടം; തൊഴിൽ; ഭക്ഷണം; വിദ്യാഭ്യാസം; മെച്ചപ്പെട്ട ചികിത്സ തുടങ്ങിയവയൊക്കെ മുൻകൂട്ടി പ്ലാൻ ചെയ്ത് വേണം സോഷ്യലിസത്തിലേയ്ക്ക് മുന്നേറാൻ. ദീർഘ കാലം കൊണ്ട് മാത്റം എത്തിച്ചേരാവുന്ന ലക്ഷ്യം ആണത്. ഈ നടപടികൾക്ക് പാർലമെന്റ് എങ്ങനെയാണ് തടസ്സം ആവുക? നിയമ പരമായ കാര്യങ്ങൾ തെരെഞ്ഞെടുക്കപ്പെട്ട സഭകളിൽ പാസാകാതെ എങ്ങനെയാണ് വ്യവസ്ഥാപരം ആകുന്നത് ? എന്നാൽ സായുധ വിപ്ലവത്തിലൂടെ ഒരിക്കലും ആ ലക്ഷ്യത്തിലേക്ക് എത്തിച്ചേരാനാവുകയില്ല. എന്നാൽ നാം എടുക്കുന്ന നടപടികൾ തൊഴിലാളി വർഗത്തിനും സാധാരണ ജനങ്ങൾക്കും ബോധ്യപ്പെട്ടാൽ അവരുടെ കലവറ ഇല്ലാത്ത പിന്തുണ നമുക്കുണ്ടാകും. അതാണ് സോവിയറ്റ് യൂണിയനിലും ചൈനയിലും മറ്റും സംഭവിച്ചത്.
..........ജനാധിപത്യം നടപ്പിലാകാത്ത രാജ വാഴ്ചയിൽ അധികാരത്തിൽ എത്തിച്ചേരാനുള്ള ഒരു മാർഗം മാത്രമാണ് സായുധ വിപ്ലവം. മാർക്സിസം (ശാസ്ത്രീയ സോഷ്യലിസം) എന്ന ആശയം ആവിർഭവിക്കുന്നത് പത്തൊമ്പതാം നൂറ്റാണ്ടിന്റെ മദ്ധ്യ കാലമാണ്. കാറൽ മാർക്സ് ജനീക്കുന്നത് 1818 മെയ് 5 നും അന്തരിക്കുന്നത് 1883 മാർച്ചു 14 നുമാണ്. അതായത് ഇൻഡ്യ "ഗ്രേറ്റ് ബ്രിട്ടന്റെ" അധീനതയിൽ സൂര്യൻ അസ്തമിക്കാത്ത സാംബ്രാജ്യം ആയിരുന്ന കാലം. ആ കാലത്തു് കാറൽ മാര്ക്സിന് ഇരുപതാം നൂറ്റാണ്ടിലെ ജനാധിപത്യത്തെ വിലയിരുത്താൻ ആവുമായിരുന്നില്ല.
.........."ഭരണ കൂടവും വിപ്ലവവും" എന്ന കൃതിയിൽ ലെനിൻ വിശേഷിപ്പിക്കുന്നത് ഏറ്റവും നല്ല ബൂർഷ്വാ ജനാധിപത്യവും തൊഴിലാളി വർഗത്തെ സംബന്ധിച്ചിടത്തോളം "കൂലി അടിമത്തം മാത്രമാണ്" എന്നാണ്. (ലെനിൻ "പാർലമെന്ററി ജനാധിപത്യം" എന്നതുകൊണ്ട് അർത്ഥമാക്കിയത് മുതലാളിത്ത വ്യവസ്ഥയാണ്). എന്താണ് കൂലി അടിമത്തം? പഴയ അടിമത്ത വ്യവസ്ഥയിൽ അടിമയ്ക്ക് സ്വാതന്ത്ര്യം ഇല്ല. എന്നാൽ ഉടമയ്ക്ക് അടിമയുടെ സംരക്ഷണ ഉത്തരവാദിത്വം ഉണ്ട്. "അടിമ" നികുതി കൊടുക്കേണ്ട "മുതൽ" ആണ്. അത് ചത്തുപോകാതെ നോക്കണം. അതിന് ഭക്ഷണം കൊടുക്കണം. അല്ലെങ്കിൽ അതിനു ജോലി ചെയ്യാനാവില്ല. തൊഴുത്തു് പോലെയുള്ളതാണെങ്കിലും കിടപ്പാടം ഉണ്ടായിരിക്കണം. എന്നാൽ മുതലാളിത്തത്തിൽ തൊഴിലുടമയ്ക് ഇങ്ങനെയുള്ള ഉത്തരവാദിത്വങ്ങളൊന്നും ഇല്ല. തൊഴിലാളി "സ്വതന്ത്രൻ" ആണ്. എന്നാൽ അവന്റെയും കുടുമ്പത്തിന്റെയും ജീവൻ നിലനിർത്തണമെങ്കിൽ ആരുടെയെങ്കിലും കീഴിൽ അവൻ പണി എടുത്തിരിക്കണം. അല്ലെങ്കിൽ അവൻ പട്ടിണി കിടന്നു ചത്തുപോകും. കാരണം അവന് കാര്യമായ സ്വത്തൊന്നും ഇല്ല. ആരുടെ കീഴിൽ പണി എടുക്കണം എന്ന് തീരുമാനിക്കാനുള്ള സ്വാതന്ത്ര്യം മാത്രമാണ് അവനുള്ളത്. മറ്റൊരു തരത്തിൽ പറഞ്ഞാൽ ആര് അവനെ ചൂഷണം ചെയ്യണം എന്ന് തീരുമാനിക്കാനുള്ള സ്വാതന്ത്ര്യം മാത്രമാണ് അവനുള്ളത്. അതുകൊണ്ടാണ് ലെനിൻ പറഞ്ഞത് മുതലാളിത്ത വ്യവസ്ഥയിൽ തൊഴിലാളി "കൂലി അടിമ" മാത്രമാണ് എന്ന്.
............അതാണ് ചൂഷണ വിമുക്തമായ ഒരു സാമൂഹ്യ വ്യവസ്ഥ എന്ന ലക്ഷ്യം തൊഴിലാളി വർഗത്തിന് മുമ്പിൽ മാർക്സിസം വയ്ക്കുന്നത്. മുതലാളിത്തം പ്രോത്സാഹിപ്പിക്കുക എന്ന "കാഴ്ചപ്പാടിൽ" നാം നിൽക്കുമ്പോൾ നാം തൊഴിലാളിവർഗത്തിന് വാഗ്ദാനം ചെയ്യുന്നത് "ജനകീയ ജനാധിപത്യ വിപ്ളവം" എന്ന പേരിൽ ആണെങ്കിലും ലെനിന്റെ ഭാഷയിൽ "കൂലി അടിമത്തം" മാത്രമാണ്. അതിന് തൊഴിലാളി വർഗത്തെ കിട്ടുകയില്ല എന്ന് അവർ നമ്മെ പഠിപ്പിച്ചുകൊണ്ടിരിക്കുകയാണ്.
............അതാണ് 'പാർട്ടി പരിപാടി" ഭേദഗതി ചെയ്യണം എന്നും സോഷ്യലിസ്റ്റു ഭാരതം എന്ന ലക്ഷ്യം തൊഴിലാളി വർഗത്തിന് മുൻപിൽ വയ്ക്കണം എന്നും പറയുന്നത്. ഇപ്പോൾ നമുക്കൊരു ലക്ഷ്യം ഇല്ല. മുതലാളിത്തം നമുക്ക് ഒരിക്കലും ലക്ഷ്യം ആവില്ല; ആവാൻ പാടില്ല. അപ്പോൾ ജനകീയ ജനാധിപത്യം എന്നാൽ എന്താണ് എന്ന് തൊഴിലാളിവർഗത്തോട് പറയാം; മൂലധനത്തിന്റെയും ജാതി മത ശക്തികളുടെയും അഴിമതി-കോഴ-കുംഭ കോണക്കാരുടെ പിടിയിൽ നിന്നും ഇന്ത്യൻ ജനാധിപത്യത്തെ മോചിപ്പിക്കുകയാണ് നമ്മുടെ ലക്ഷ്യം എന്ന്..
...........ഒരു രാജ്യത്തെ സാമ്പത്തിക അടിത്തറയാണ് രാഷ്ട്രീയവും സാംസ്കാരികവും ആയ ഉപരിഘടനയെ നിർണയിക്കുക എന്ന മാർക്സിന്റെ അതിപ്രധാനമായ കണ്ടെത്തലിന്റെ അടിസ്ഥാനത്തിൽ സോഷ്യലിസത്തോടൊപ്പം മാത്റമേ ആ ലക്ഷ്യം യാഥാർഥ്യം ആവുകയുള്ളൂ. അതുകൊണ്ടാണ് സോഷ്യലിസ്റ്റു ഭാരതം ആയിരിക്കണം നമ്മുടെ ലക്ഷ്യം എന്ന് ചൂണ്ടിക്കാണിക്കുന്നത്. നേടിയെടുക്കേണ്ട ഒരു ലക്ഷ്യം എന്ന നിലയ്ക്കാണ് നാം സോഷ്യലിസത്തെ കാണുന്നത്. ഇപ്പോൾ വസ്തുതാപരമായി അങ്ങനെ ഒരു ലക്ഷ്യം ഇല്ല. ഉള്ളത് മുതലാളിത്തം പ്രോത്സാഹിപ്പിക്കുക എന്നതാണ്. മുതലാളിത്തം ആകട്ടെ വളരുക സാമ്പ്രാജ്യത്തം ആയിട്ടാണ്.
ഓർക്കുക, ഇൻഡ്യയിൽ കച്ചവടത്തിനായി വന്ന ഒരു കമ്പനി ആയിരുന്നു "ഇംഗ്ളീഷ് ഈസ്റ്റ് ഇന്ത്യ കമ്പനി." ആ കമ്പനി വളർന്നാണ് മാർക്സിന്റെ കാലത്ത് ഇന്ത്യ ഭരിക്കുന്ന (സൂര്യൻ അസ്തമിക്കാത്ത ബ്രിടീഷ് സാമ്പ്രാഖ്ജ്യം) ആയി വളർന്നത്. ഇപ്പോൾ നമ്മുടെ കോർപ്പറേറ്റുകളും ഇതര രാജ്യങ്ങളിലേക്ക് വളർന്നു കൊണ്ടിരിക്കുകയാണ്. അവർ എന്നെങ്കിലും മനസ് മാറി സോഷ്യലിസം സ്ഥാപിച്ചുകളയും എന്ന് സങ്കൽപ്പിക്കാൻ എനിക്കാവില്ല.
...........പാർലമെന്ററി ജനാധിപത്യത്തിൽ സോഷ്യലിസം അസ്സാദ്ധ്യമാണെന്നും സ. ഇ.എം.എസ്. ന്റെ "തൊഴിലാളി വർഗ രാഷ്ട്രീയത്തിന്റെ ശാസ്ത്രവും കലയും" എന്ന കൃതിയുടെ 53 - മത്തെ പേജിൽ പറയുന്നുണ്ട്. ഇതാകട്ടെ വസ്തുതകൾക്ക് നിരക്കുന്നതല്ല താനും. ഒരു രാജ്യത്തെ ജനങ്ങളെ ആകെ കണക്കിലെടുത്തു് ജനങ്ങൾക്ക് എല്ലാ മേഖലകളിലും ജീവിതം സുരക്ഷിതമാക്കുന്നതിനുള്ള പദ്ധതികൾ ആസൂത്രണം ചെയ്യണം. അതിനാണ് "സോഷ്യലിസ്റ്റ് പ്ളാനിങ് " എന്ന് പറയുക. എല്ലാവർക്കും പാർപ്പിടം; തൊഴിൽ; ഭക്ഷണം; വിദ്യാഭ്യാസം; മെച്ചപ്പെട്ട ചികിത്സ തുടങ്ങിയവയൊക്കെ മുൻകൂട്ടി പ്ലാൻ ചെയ്ത് വേണം സോഷ്യലിസത്തിലേയ്ക്ക് മുന്നേറാൻ. ദീർഘ കാലം കൊണ്ട് മാത്റം എത്തിച്ചേരാവുന്ന ലക്ഷ്യം ആണത്. ഈ നടപടികൾക്ക് പാർലമെന്റ് എങ്ങനെയാണ് തടസ്സം ആവുക? നിയമ പരമായ കാര്യങ്ങൾ തെരെഞ്ഞെടുക്കപ്പെട്ട സഭകളിൽ പാസാകാതെ എങ്ങനെയാണ് വ്യവസ്ഥാപരം ആകുന്നത് ? എന്നാൽ സായുധ വിപ്ലവത്തിലൂടെ ഒരിക്കലും ആ ലക്ഷ്യത്തിലേക്ക് എത്തിച്ചേരാനാവുകയില്ല. എന്നാൽ നാം എടുക്കുന്ന നടപടികൾ തൊഴിലാളി വർഗത്തിനും സാധാരണ ജനങ്ങൾക്കും ബോധ്യപ്പെട്ടാൽ അവരുടെ കലവറ ഇല്ലാത്ത പിന്തുണ നമുക്കുണ്ടാകും. അതാണ് സോവിയറ്റ് യൂണിയനിലും ചൈനയിലും മറ്റും സംഭവിച്ചത്.
..........ജനാധിപത്യം നടപ്പിലാകാത്ത രാജ വാഴ്ചയിൽ അധികാരത്തിൽ എത്തിച്ചേരാനുള്ള ഒരു മാർഗം മാത്രമാണ് സായുധ വിപ്ലവം. മാർക്സിസം (ശാസ്ത്രീയ സോഷ്യലിസം) എന്ന ആശയം ആവിർഭവിക്കുന്നത് പത്തൊമ്പതാം നൂറ്റാണ്ടിന്റെ മദ്ധ്യ കാലമാണ്. കാറൽ മാർക്സ് ജനീക്കുന്നത് 1818 മെയ് 5 നും അന്തരിക്കുന്നത് 1883 മാർച്ചു 14 നുമാണ്. അതായത് ഇൻഡ്യ "ഗ്രേറ്റ് ബ്രിട്ടന്റെ" അധീനതയിൽ സൂര്യൻ അസ്തമിക്കാത്ത സാംബ്രാജ്യം ആയിരുന്ന കാലം. ആ കാലത്തു് കാറൽ മാര്ക്സിന് ഇരുപതാം നൂറ്റാണ്ടിലെ ജനാധിപത്യത്തെ വിലയിരുത്താൻ ആവുമായിരുന്നില്ല.
.........."ഭരണ കൂടവും വിപ്ലവവും" എന്ന കൃതിയിൽ ലെനിൻ വിശേഷിപ്പിക്കുന്നത് ഏറ്റവും നല്ല ബൂർഷ്വാ ജനാധിപത്യവും തൊഴിലാളി വർഗത്തെ സംബന്ധിച്ചിടത്തോളം "കൂലി അടിമത്തം മാത്രമാണ്" എന്നാണ്. (ലെനിൻ "പാർലമെന്ററി ജനാധിപത്യം" എന്നതുകൊണ്ട് അർത്ഥമാക്കിയത് മുതലാളിത്ത വ്യവസ്ഥയാണ്). എന്താണ് കൂലി അടിമത്തം? പഴയ അടിമത്ത വ്യവസ്ഥയിൽ അടിമയ്ക്ക് സ്വാതന്ത്ര്യം ഇല്ല. എന്നാൽ ഉടമയ്ക്ക് അടിമയുടെ സംരക്ഷണ ഉത്തരവാദിത്വം ഉണ്ട്. "അടിമ" നികുതി കൊടുക്കേണ്ട "മുതൽ" ആണ്. അത് ചത്തുപോകാതെ നോക്കണം. അതിന് ഭക്ഷണം കൊടുക്കണം. അല്ലെങ്കിൽ അതിനു ജോലി ചെയ്യാനാവില്ല. തൊഴുത്തു് പോലെയുള്ളതാണെങ്കിലും കിടപ്പാടം ഉണ്ടായിരിക്കണം. എന്നാൽ മുതലാളിത്തത്തിൽ തൊഴിലുടമയ്ക് ഇങ്ങനെയുള്ള ഉത്തരവാദിത്വങ്ങളൊന്നും ഇല്ല. തൊഴിലാളി "സ്വതന്ത്രൻ" ആണ്. എന്നാൽ അവന്റെയും കുടുമ്പത്തിന്റെയും ജീവൻ നിലനിർത്തണമെങ്കിൽ ആരുടെയെങ്കിലും കീഴിൽ അവൻ പണി എടുത്തിരിക്കണം. അല്ലെങ്കിൽ അവൻ പട്ടിണി കിടന്നു ചത്തുപോകും. കാരണം അവന് കാര്യമായ സ്വത്തൊന്നും ഇല്ല. ആരുടെ കീഴിൽ പണി എടുക്കണം എന്ന് തീരുമാനിക്കാനുള്ള സ്വാതന്ത്ര്യം മാത്രമാണ് അവനുള്ളത്. മറ്റൊരു തരത്തിൽ പറഞ്ഞാൽ ആര് അവനെ ചൂഷണം ചെയ്യണം എന്ന് തീരുമാനിക്കാനുള്ള സ്വാതന്ത്ര്യം മാത്രമാണ് അവനുള്ളത്. അതുകൊണ്ടാണ് ലെനിൻ പറഞ്ഞത് മുതലാളിത്ത വ്യവസ്ഥയിൽ തൊഴിലാളി "കൂലി അടിമ" മാത്രമാണ് എന്ന്.
............അതാണ് ചൂഷണ വിമുക്തമായ ഒരു സാമൂഹ്യ വ്യവസ്ഥ എന്ന ലക്ഷ്യം തൊഴിലാളി വർഗത്തിന് മുമ്പിൽ മാർക്സിസം വയ്ക്കുന്നത്. മുതലാളിത്തം പ്രോത്സാഹിപ്പിക്കുക എന്ന "കാഴ്ചപ്പാടിൽ" നാം നിൽക്കുമ്പോൾ നാം തൊഴിലാളിവർഗത്തിന് വാഗ്ദാനം ചെയ്യുന്നത് "ജനകീയ ജനാധിപത്യ വിപ്ളവം" എന്ന പേരിൽ ആണെങ്കിലും ലെനിന്റെ ഭാഷയിൽ "കൂലി അടിമത്തം" മാത്രമാണ്. അതിന് തൊഴിലാളി വർഗത്തെ കിട്ടുകയില്ല എന്ന് അവർ നമ്മെ പഠിപ്പിച്ചുകൊണ്ടിരിക്കുകയാണ്.
............അതാണ് 'പാർട്ടി പരിപാടി" ഭേദഗതി ചെയ്യണം എന്നും സോഷ്യലിസ്റ്റു ഭാരതം എന്ന ലക്ഷ്യം തൊഴിലാളി വർഗത്തിന് മുൻപിൽ വയ്ക്കണം എന്നും പറയുന്നത്. ഇപ്പോൾ നമുക്കൊരു ലക്ഷ്യം ഇല്ല. മുതലാളിത്തം നമുക്ക് ഒരിക്കലും ലക്ഷ്യം ആവില്ല; ആവാൻ പാടില്ല. അപ്പോൾ ജനകീയ ജനാധിപത്യം എന്നാൽ എന്താണ് എന്ന് തൊഴിലാളിവർഗത്തോട് പറയാം; മൂലധനത്തിന്റെയും ജാതി മത ശക്തികളുടെയും അഴിമതി-കോഴ-കുംഭ കോണക്കാരുടെ പിടിയിൽ നിന്നും ഇന്ത്യൻ ജനാധിപത്യത്തെ മോചിപ്പിക്കുകയാണ് നമ്മുടെ ലക്ഷ്യം എന്ന്..
...........ഒരു രാജ്യത്തെ സാമ്പത്തിക അടിത്തറയാണ് രാഷ്ട്രീയവും സാംസ്കാരികവും ആയ ഉപരിഘടനയെ നിർണയിക്കുക എന്ന മാർക്സിന്റെ അതിപ്രധാനമായ കണ്ടെത്തലിന്റെ അടിസ്ഥാനത്തിൽ സോഷ്യലിസത്തോടൊപ്പം മാത്റമേ ആ ലക്ഷ്യം യാഥാർഥ്യം ആവുകയുള്ളൂ. അതുകൊണ്ടാണ് സോഷ്യലിസ്റ്റു ഭാരതം ആയിരിക്കണം നമ്മുടെ ലക്ഷ്യം എന്ന് ചൂണ്ടിക്കാണിക്കുന്നത്. നേടിയെടുക്കേണ്ട ഒരു ലക്ഷ്യം എന്ന നിലയ്ക്കാണ് നാം സോഷ്യലിസത്തെ കാണുന്നത്. ഇപ്പോൾ വസ്തുതാപരമായി അങ്ങനെ ഒരു ലക്ഷ്യം ഇല്ല. ഉള്ളത് മുതലാളിത്തം പ്രോത്സാഹിപ്പിക്കുക എന്നതാണ്. മുതലാളിത്തം ആകട്ടെ വളരുക സാമ്പ്രാജ്യത്തം ആയിട്ടാണ്.
ഓർക്കുക, ഇൻഡ്യയിൽ കച്ചവടത്തിനായി വന്ന ഒരു കമ്പനി ആയിരുന്നു "ഇംഗ്ളീഷ് ഈസ്റ്റ് ഇന്ത്യ കമ്പനി." ആ കമ്പനി വളർന്നാണ് മാർക്സിന്റെ കാലത്ത് ഇന്ത്യ ഭരിക്കുന്ന (സൂര്യൻ അസ്തമിക്കാത്ത ബ്രിടീഷ് സാമ്പ്രാഖ്ജ്യം) ആയി വളർന്നത്. ഇപ്പോൾ നമ്മുടെ കോർപ്പറേറ്റുകളും ഇതര രാജ്യങ്ങളിലേക്ക് വളർന്നു കൊണ്ടിരിക്കുകയാണ്. അവർ എന്നെങ്കിലും മനസ് മാറി സോഷ്യലിസം സ്ഥാപിച്ചുകളയും എന്ന് സങ്കൽപ്പിക്കാൻ എനിക്കാവില്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ