62. വിലക്കയറ്റം എങ്ങിനെ തടയാം?

                                                62.വിലക്കയറ്റം  എങ്ങിനെ തടയാം?   പത്ത്  കോടി പേരുടെ ഒപ്പ് ശേഖരിച്ച്  ഡൽഹിയിൽ പത്തു ലക്ഷം പേരുടെ  പ്റകടനത്തോടെ  രാഷ്ട്റപതിക്ക്  സമർപ്പിച്ചാൽ  ഉടനെ  കോണ്ഗ്രസൊ ബി.ജെ.പി.യോ റിലയന്സിന്റെ പക്കൽ നിന്നും എണ്ണ - പ്റകൃതി വാതക മേഘല  ഏറ്റെടുത്ത്  നമ്മുടെ ആവശ്യം നടപ്പിലാക്കിക്കളയും എന്ന വ്യാമോഹം  ഒന്നും നമുക്കില്ല. അവർ  നടപ്പാക്കുകയും വേണ്ട. സോഷ്യലിസ്റ്റ്  ആശയഗതി എന്തെന്ന് ജനങ്ങളോട് പറയാനുള്ള അവസരം ആക്കി നാം അതിനെ ഉപയോഗിക്കുന്നു  എന്ന്  മാത്റം.  എന്നാൽ ഈ മുദ്രാ - വാക്യം ഉയർത്തുമ്പോൾ തന്നെ ഇന്ത്യയാകെ അതിന്റെ  മാറ്റൊലി ഉണ്ടാകും.  നമ്മുടെ  മുദ്രാവാക്യം ഏറ്റുവിളിക്കാൻ; അതിനോട്  യോജിക്കാൻ ധാരാളം ആളുകൾ  ഉണ്ടാകും. ഈ മുദ്രാവാക്യം  സാധാരണ ഗതിയിൽ "വില  കയറ്റം തടയുക" എന്ന് പറയുന്നത് പോലെയല്ല; അത് നേടിയെടുക്കും വരെ ആ മുദ്രാ വാക്യം ഒരു ആയുധം ആക്കി ഉപയോഗിക്കും.  എന്നാൽ ഒരു കാര്യം ഓർമയിൽ  ഉണ്ടായിരിക്കണം. മുതലാളിത്തം  പ്റോത്സാഹിപ്പിച്ച്  സോഷ്യലിസത്തിലേക്ക് പോകാമെന്ന ധാരണ നമുക്കില്ല. "സാമ്പ്റാജ്യത്വം; മുതലാളിത്തത്തിന്റെ പരമോന്നത ഘട്ടം" എന്ന ലെനിന്റെ ചൂണ്ടികാട്ടൽ  സത്യമെന്ന് തന്നെ നാം കണക്കിലെടുക്കുന്നു. മുതലാളിത്തത്തിൽ ചരക്ക്   ഉത്പാദനം അടക്കം സമസ്ത മേഘലകളും ലാഭത്തിന്  വേണ്ടി ഉള്ളതാണ്.  മുതലാളിത്തം പ്റൊത്സാഹിപ്പിച്ച്      വിലക്കയറ്റം      തടയാമെന്ന് കരുതുന്നത് മുതലാളിത്തം എന്താണെന്നതിനെ   കുറിച്ച്  അടിസ്ഥാനപരമായ ധാരണകൾ ഇല്ലാത്തതുകൊണ്ടാണ്.  "മുതലാളിത്ത ചരക്ക്  ഉത്പാദനത്തിന്റെ ഒരോ യൂണിറ്റിലും മുതലാളിത്ത ചൂഷണം അടങ്ങിയിരിക്കുന്നു" എന്ന്     മാർക്സ്      "മൂലധനത്തിന്റെ" വിശകലനത്തിൽ വ്യക്തമാക്കുന്നു.  എന്ത്  ഉല്പാദിപ്പിച്ചാൽ  ആണ് എത്റ അധികം ലാഭം കിട്ടുക എന്ന് മാത്റമാണ്  മൂലധന ശക്തികൾ നോക്കുക. "മുന്നൂറ്  ശതമാനം ലാഭം കിട്ടുമെങ്കിൽ  അതിന്റെ ഉടമയെ കഴുവേറ്റുമെങ്കിൽ കൂടി മൂലധനം അതിനെ വിട്ടുകളയില്ല" എന്നാണ്  മാർക്സ് ചൂണ്ടിക്കാട്ടുന്നത്.   ലാഭം ഇല്ലാത്ത മേഘലയിൽ മൂലധനം താല്പ്പര്യം       കാണിക്കുകയില്ല. സോഷ്യലിസ്റ്റ് സംപത്ഘടനയും ജനകീയ ജനാധിപത്യവും  എന്ന പരിപാടി അന്ഗീകരിച്ചാൽ ഇപ്പോഴത്തെ പരിപാടി പോലെയല്ല.  അത്  നടപ്പിലാക്കാൻ ഉള്ളതാണ്.  ഇന്ത്യൻ  ഭരണകൂടത്തെ അട്ടിമറിക്കുകയും തൊഴിലാളി വർഗ ഭരണ കൂടം സ്ഥാപിക്കുകയും ചെയ്യുക എന്ന നമ്മുടെ ലക്ഷ്യത്തിലേക്കുള്ള പ്റയാണം നാം ആരംഭിക്കുകയാണ്.  മുതലാളിത്തം പ്രോത്സാഹിപ്പിക്കുക എന്ന കാഴ്ചപ്പാടിലുള്ള ഇപ്പോഴത്തെ പരിപാടിയിൽ നില്ക്കുന്നിടത്തോളം വർഗ സമരം എന്ന മാർക്സിന്റെ ഏറ്റവും പ്റധാനപെട്ട കണ്ടെത്തൽ; തൊഴിലാളി വർഗ്ഗത്തിന്റെ ഏറ്റവും പ്റധാനപെട്ട സമരായുധം നമുക്ക്  പ്റയോഗിക്കാനാവുകയില്ല. സോഷ്യലിസം  എന്ന ലക്‌ഷ്യം വരുമ്പോൾ വർഗ സമരം എന്ന സമരായുധം പ്റവർത്തിപഥത്തിൽ വരുമെന്ന് മാത്റം അല്ല; ഇൻഡ്യയിൽ സോഷ്യലിസ്റ്റ്  ചേരി എന്നും മുതലാളിത്ത-സംപ്റാജ്യത്ത ചേരി എന്നും രണ്ട്  ചേരി രൂപപെടുകയും ചെയും.