56.ദേശീയ ജനാധിപത്യമോ ജനകീയ ജനാധിപത്യമോ അല്ല പ്രശ്നം.

              56.ദേശീയ ജനാധിപത്യമോ ജനകീയ ജനാധിപത്യമോ അല്ല പ്രശ്നം...    ഇൻഡ്യയിൽ ഭാവിയിൽ മുതലാളിത്തം ഇനിയും പ്രോത്സാഹിപ്പിക്കണമോ വേണ്ടയോ എന്നതാണ്  കാതലായ പ്രശ്നം.  ഇൻഡ്യൻ  മുതലാളിത്തം  സോഷ്യലിസം സ്ഥാപിക്കാൻ പക്വ്വം അല്ല എന്നും അത് പ്രോത്സാഹിപ്പിക്കണം  എന്നുമാണ്       1950... കളിൽ തീരുമാനിച്ചത്. (റഷ്യൻ ഭാഷയിലേക്ക് മൂലധനം ആദ്യമായി  വിവർത്തനം  ചെയ്ത ആദ്യ കാല റഷ്യൻ മാർക്സിസ്റ്റ്  ആയിരുന്ന പ്ളഘാനോവ്‌  റഷ്യ വികസിത മുതലാളിത്തം  അല്ലാത്തതിനാൽ  സോഷ്യലിസം സ്ഥാപിക്കാൻ പക്വം അല്ല എന്നാണു പറഞ്ഞത്.  ലെനിൻ അതിനോട് യോജിച്ചില്ല. തുടർന്നാണ്‌  "എന്ത് ചെയ്യണം?" എന്ന കൃതി രചിച്ചത്.    അവികസിത മുതലാളിത്തത്തിൽ നിന്നും സോഷ്യലിസത്തിലേക്ക്  പോകാം  എന്നാണു ലെനിൻ തെളിയിച്ചത് )   ഇതിന്റെ അടിസ്ഥാനത്തിലാണ്  ദേശീയ ബൂർഷ്വാസിയുമായി സഖ്യം ഉണ്ടാക്കാൻ തീരുമാനിച്ചത്......ഇതിന്റെ ഫലമായി  ഇൻഡ്യൻ  മുതലാളിത്തം വളർന്നു  വളർന്ന്  റെലയൻസു  വേണ്ടി വന്നാൽ ഇൻഡ്യ  തന്നെ           വിലയ്ക്ക്              എടുത്തേക്കും എന്ന നിലയിൽ   ആയിരിക്കുന്നു.  1950- കളിലെ നേതൃത്വത്തിന്  തത്വശാസ്ത്റവുമായി കാര്യമായ  ധാരണകൾ  ഇല്ലാതിരുന്നതായിരിക്കാം   ഇങ്ങനെ ഒരു നിലപാട് സ്വീകരിക്കാൻ കാരണം.  ഇപ്റകാരം  ഒരു നിലപാട്  സ്വീകരിച്ചപ്പോൾ ചൂഷക വർഗ വാഴ്ച  തകർക്കാൻ  മാത്റം രൂപം കൊണ്ട തത്വ ശാസ്ത്രം  അപ്റസക്തം ആയി.  സോഷ്യലിസത്തിന്റെ  പ്റസക്തി  ലവലേശം കുറച്ചുകാണുക എന്നാൽ ബൂർഷ്വാ  ആശയങ്ങൾക്ക്  ഇട ആക്കുക ആയിരിക്കും ഫലം;  എന്നും സോഷ്യലിസ്റ്റ് ആശയഗതി എത്റമാത്റം  ശൈശവ അവസ്തയിലാണോ അത്റമാത്റം സോഷ്യലിസ്റ്റ് ഇതര ആശയ ഗതികളോട്  ആസഹഷ്ണുത കാണിക്കണം എന്നുമുള്ള ലെനിന്റെ വാക്കുകൾ ആരും ഓർത്തില്ല.  എന്താണ് ബൂർഷ്വാ  ആശയഗതി എന്നാൽ?       നമ്മുടെ ഭഗവത്ഗീത ഉൾപ്പെടെ ഉള്ള പിന്തിരിപ്പൻ ആശയഗതി പൂർണമായും അതിൽ വരും. (ഭഗവത്  ഗീതയിൽ ശ്രീ. കൃഷ്ണൻ അർജുനനെ പഠിപ്പിക്കുന്നത്  മർത്യ  ജന്മം അല്ല സത്യത്തിലുള്ളത്, ആത്മാവാണ് സത്യം എന്നും ആത്മാവിനു മരണം ഇല്ല എന്നുമാണ്)    നിലവിലുള്ള എല്ലാ  നിയമങ്ങളും വ്യവസ്ഥകളും ചൂഷക വർഗ വാഴ്ചക്ക്  വേണ്ടി ഉള്ളതാണ്.   സമ്പത്തിന്റെ  എല്ലാ  സൌകര്യങ്ങളും  അവര്ക്കുണ്ട്.  കോട്ടയത്തെ ഒരു പത്റത്തിന്റെ കാര്യം നമുക്ക് അറിയാം. അത്  പോലെ  എത്റയോ  പത്രങ്ങൾ.   അതിനെയൊക്കെയും  പ്രോത്സാഹിപ്പിക്കണം.   അതിന്റെ  കൂടെയാണ്  തൊഴിലാളിവർഗ  പ്രസ്ഥാനവും  ചൂഷക വർഗങ്ങളുടെ രക്ഷക്ക്  എത്തിയത്. ഭരണ കൂടം എന്നും സമ്പന്ന വർഗങ്ങളുടെത്‌ ആയിരുന്നു എന്നതും ചൂഷകവർഗങ്ങളുടെ മർദ്നൊപകരണം ആണ് ഭരണകൂടം എന്നതും ആരും ഓർത്തില്ല. ആ മർദനൊപകരണം  ചൂഷക വർഗങ്ങന്ളിൽ നിന്ന്  മോജിപ്പിക്കുകയും ജനങ്ങളുടെത് ആക്കുകയും വേണം. അതാണ്‌ മാർക്സിസം തൊഴിലാളി വർഗത്തിൽ അർപ്പിക്കുന്ന കടമ. മുതലാളിത്തം  പ്രോത്സാഹിപ്പിക്കുക  എന്ന നിലപാട് സ്വീകരിച്ചപോൾ  ബൂർഷ്വാസിയെ വർഗശത്രു ആയി കാണാൻ ആവില്ല എന്നായി. ഫലതിൽ വർഗ സമരം എന്നത്  അപ്രസക്തമായി.