55. (2) ............സോഷ്യലിസത്തിന്റെ ശാസ്ത്റീയത....അധ്വാന ശക്തിയുടെ പ്രത്യ്ക്ഷവും പരോക്ഷവും ആയ സംയോചനത്തെ കുറിച്ച് അല്പം കൂടി വ്യക്തമാക്കാം. ഒരു ആശാരിക്കു മേശ പണിയണമെന്ന് കരുതുക. അയാളുടെ അധ്വാന ശക്തി വിനിയോഗിക്കണമെങ്കിൽ കുറെയേറെ പശ്ചാതല സൗകര്യം ആവശ്യമാണ്. അയാൾക്ക് ഉളി തുടങ്ങിയ ഉപകരണങ്ങൾ ആവശ്യമാണ്. ഉളിക് ഒരു നീണ്ട ചരിത്റം ഉണ്ട്. അത് ഇരുമ്പ് ഖനിയിൽ നിന്നും തുടങ്ങുകയാണ്........പലക തുടങ്ങിയ തടി ഉരുപ്പടികൾ ആവശ്യമാണ്. ഏതെങ്കിലും ഒരു വൃക്ഷം കാണിച്ചുകൊടുത്താൽ ആശാരി നിസഹായനാണ്. അത് വെട്ടി വീഴ്ത്തി ലോറിയിൽ കയറ്റി മില്ലിൽ കൊണ്ടുപോയി അറുത്ത് പണിയാൻ പാകത്തിന് അയാളുടെ അടുത്ത് ലഭിക്കണം. ഇനിയും ആയില്ല. അയാളുടെ മറ്റ് ജീവിത ആവശ്യങ്ങൾ സമൂഹം നിർവഹിക്കണം. (എന്ന് പറഞ്ഞാൽ അയാളുടെ ആഹാരത്തിന്റെ കാര്യം ഉൾപെടെ എല്ലാ കാര്യങ്ങളും). ഇത്റയും സൌകര്യങ്ങൾ പശ്ചാത്തലമായി ഉണ്ടെങ്കിൽ മാത്റമേ ഒരു ആശാരിക്കു മേശ പണിയാൻ അയാളുടെ അധ്വാന ശക്തി വിനിയോഗിക്കാൻ ആവുകയുള്ളൂ. ഏതൊരു ചരക്ക് രൂപം കൊള്ളുമ്പോഴും സാമൂഹ്യമായ അധ്വാന ശക്തിയും അതിൽ ഉൾചേർന്നിരിക്കും. അതായത് സമൂഹത്തിലെ വിവിധ മേഘലകളിലെ തൊഴിലാളികളുടെ അധ്വാന ശക്തിയുടെ ആകെ തുകയാണ് ഒരോ ചരക്കിന്റെയും മൂല്യം. ചരക്കിൽ അടങ്ങിയിരിക്കുന്ന അധ്വാന ശക്തിയെ സൂക്ഷ്മമായി വിശകലനം ചെയ്ത മാർക്സ് ഓരോ തൊഴിലാളിയും എങ്ങിനെ ചൂഷണത്തിന് വിധേയനാകുന്നു എന്നും മനസ്സിലാക്കി. തൊഴിലാളിക്ക് കൂലിയായി മൂലധന ഉടമ കൊടുക്കുന്നത് യഥാർഥത്തിൽ തൊഴിലാളിയുടെ അധ്വാന ശക്തിയുടെ വില ആണെന് മാർക്സ് കണ്ടെത്തി. അധ്വാന ശക്തി ഒരു ചരക്കെന്ന നിലയിൽ വിലക്ക് വാങ്ങുന്ന മുതലാളി അത് ഉപയോഗിച് കൂടുതൽ മൂല്യം ഉൽപാദിപ്പിച് മാർക്കറ്റിൽ വില്പ്പന നടത്തി കൂടുതൽ വില നേടുന്നു. അദ്വാന ശക്തിയെ മാർക്സ് മണിക്കൂർ കണക്കിനുള്ള യൂണിറ്റ് കളാക്കി തിരിച്ചു. 8 (അക്കാലത്ത് പ്രവൃത്തി സമയം 10 മണിക്കൂറും അതിലധികവും ആണ്) മണിക്കൂർ പ്റവൃത്തി സമയത്തിനായി മുതലാളി കൊടുക്കുന്ന കൂലിക്കുള്ള ജോലി അയാൾ നാല് മണികൂർ കൊണ്ട് തന്നെ ചെയ്തിരിക്കും. ബാക്കി നാല് മണിക്കൂറിന്റെ ജോലി പ്റതിഭലം ഇല്ലാതെ തന്നെ മുതലാളിക്ക് ലഭിക്കുന്നതായി മാർക്സ് കണ്ടെത്തി. ഇതിനെ മിച്ചമുള്ള മൂല്യമായി (മിച്ചമൂല്യം)മാർക്സ് വിലയിരുത്തി . എന്നാൽ ഇതിൽ പല ഘടകങ്ങളും ഉൾപെടുന്നു. അസംസ്കൃത വസ്തുക്കളുടെ വില, ഉല്പാദനൊപകരണങ്ങളുടെ തേയ്മാന ചെലവ്, ഉല്പാദനൊപാധികളുടെ (റോഡ്, സാങ്കേതിക സൌകര്യങ്ങൾക്കുള്ള ചെലവുകൽ, മുതലായവ), ഒരു സംഘാടകൻ എന്ന നിലക്കുള്ള മുതലാളിക്ക് അർഹമായ പ്രതിഭലം, നികുതികൾ തുടങ്ങിയവയൊക്കെ അതിൽ വരുന്നുണ്ട്. അവയെല്ലാം കഴിച്ചാലും ചുരുങ്ങിയത് ഒരു മണിക്കൂറിന്റെ എങ്കിലും അധ്വാന ശക്തിയുടെ മൂല്യം മുതലാളിക്ക് ലഭിക്കും. ഒരു തൊഴിലാളിയുടെ ഒരു മണിക്കൂർ എന്ന കണക്കിൽ നൂറ് തൊഴിലാളികൾ ഉള്ള ഫാക്ടറിയിൽ ഒരു ദിവസം നൂറുമണിക്കൂർ മുതലാളിക്ക് ലഭിക്കും. (തുടരും)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ