448. "സോഷ്യലിസം" പാർട്ടി പരിപാടിയായി
അംഗീകരിക്കുമ്പോൾ മാത്രമേ ശാസ്ത്രീയമായ സാമൂഹ്യ വീക്ഷണം പ്രായോഗികമായി പ്രവർത്തിയിൽ ഉണ്ടാവുകയുള്ളു. അത് അംഗീകരിക്കാതെ ഇന്ത്യയിൽ ഹിന്ദു വർഗീയ വാദികൾക്കെതിരായി ശാസ്ത്റീയമായ ചെറുത്തുനിൽപ്പ് പ്റായോഗികമല്ല. (1950 കളിൽ ഇന്നത്തെ സ്ഥിതി ആയിരുന്നില്ല, സോഷ്യലിസം ആയിരുന്നു ലക്ഷ്യം, അന്ന് പാർട്ടി വളർന്നിരുന്നു). ശുദ്ധ ബഡായി കഥകളിലൂടെയാണ് ഹിന്ദു വർഗീയ വാദികൾ നൂറ്റിമുപ്പത്തിയഞ്ചു കോടി ജനങ്ങളെ വിഡ്ഢികളാക്കുന്നത്. ഒരു മത്സ്യത്തിന്റെ ആമാശയത്തിൽ നിന്നും (മാതാപിതാക്കൾ ഇല്ലാതെ) "മഹാഭാരതം " രചിച്ച വേദവ്യാസന്റെ മാതാവ് "സത്യവതി" ജനിച്ചു; അന്തരീക്ഷ വായുവിൽ നിന്നും ഹനുമാനും ഭീമനും ജനിച്ചു; "മഹാഭാരതം" കഥയിൽ സൂര്യനിൽ നിന്നും കർണ്ണൻ ജനിച്ചു തുടങ്ങിയ "കഥകൾ" രാഷ്ട്രീയ അടിത്തറ ആക്കുകയാണ് ഹിന്ദു വർഗീയ വാദികൾ. അതിന്റെ അടിസ്ഥാനത്തിലാണ് ബ്രാഹ്മണാധിപത്യം സ്ഥാപിക്കുന്നതും കോടിക്കണക്കായ ജനങ്ങളെ ചാതുർവർണ്യത്തിന്റെ പേരിൽ വിഭജിക്കുന്നതും മനുഷ്യാവകാശങ്ങൾ നിഷേധിക്കുന്നതും. ചൂഷകവർഗങ്ങൾക്ക് സമ്പത്ത് ദൈവം കൊടുക്കുന്നതല്ല, തെഴിലാളി വർഗത്തെ ചൂഷണം ചെയ്ത് ഉണ്ടാക്കുന്നതാണ് എന്ന് സ്ഥാപിക്കുകയാണ് ഭൗതിക വാദത്തിന്റെ ധർമ്മം. ആത്മീയ വാദത്തിന്റെ ഔന്നത്യമാണ് മതമൗലിക വാദവും ഹിന്ദു വർഗീയ വാദികളുടെ ഇന്ത്യ ഭരണവും.
.
. ."ആത്മാവ്" എന്ന് സ്ഥാപിക്കുന്നത് യഥാർഥത്തിൽ ബോധമുള്ള (ജീവനുള്ള) ഒരാളുടെ തലച്ചോറിന്റെ ഭാഗമായ "മനസി" നെയാണ്. അറിയുന്നതും മനസിലാക്കുന്നതും ആയ വസ്തുതകൾ തലച്ചോറിൽ സൂക്ഷിക്കുന്ന ഭാഗമാണ് "മനസ്". കംപ്യൂട്ടറിന്റെ "ഹാർഡ് ഡിസ്ക്" ആയി "മനസി" നെ കണക്കാക്കാം. ജീവനും ബോധവും ഉള്ള കാലത്തോളം നമ്മുടെ അറിവുകൾ എല്ലാം അവിടെ ഭദ്രമാണ്. കാലങ്ങൾ കൊണ്ട് മറവി സംഭവിക്കും എങ്കിലും മിയ്ക്കവാറും കാര്യങ്ങൾ നമുക്ക് ഓർത്തെടുക്കാം. വളരെ വർഷങ്ങൾക്ക് മുൻപ് പരിചയപ്പെട്ട ഒരാളെ പിന്നീട് ഒരിക്കൽ കാണുമ്പോൾ നാം ഓർമ്മിച്ചെടുക്കുന്നു. മനസിന് അതിന് സെക്കന്റുകൾ പോലും ആവശ്യമില്ല. എന്നാൽ "തലച്ചോറിന്" മാരകമായ മാനസിക രോഗമോ മറവി രോഗമോ (അൽഷിമേഴ്സ്) ബാധിച്ചാലോ മരണം സംഭവിച്ചാലോ "മനസിന്റെ" കാര്യം തകരാറിലാകും. ഒരാൾക്ക് മരണം സംഭവിച്ചാൽ "മനസ്" (ആത്മാവ്") മാത്രമായി രക്ഷപെട്ട് പോകും എന്നാണ് ആത്മീയ വാദത്തിന്റെ നിലപാട്. "മസ്തിഷ്ക മരണം" സംഭവിക്കുമ്പോൾ യഥാർത്ഥത്തിൽ അയാളുടെ "മനസ് " അല്ലെങ്കിൽ "ആത്മാവ് " മരിച്ചുകഴിഞ്ഞു. എന്നാൽ എല്ലാ മതങ്ങളും ഇല്ലാത്ത "ആത്മാവിന്റെ" അടിസ്ഥാനത്തിലാണ് അവരുടെ "സ്വർഗ്ഗ" ലോകം തീർത്തിരിക്കുന്നത്. 1500 കോടി "പ്രകാശവർഷം" വരെയുള്ള ഭൗതിക ലോകത്തിലൊരിടത്തും ഏതെങ്കിലും മതങ്ങളുടെ "സ്വർഗ്ഗ ലോകം" ഉള്ളതായി അറിഞ്ഞിട്ടില്ല. എന്നാൽ "വിദ്യാ സമ്പന്നരായ" മത മൗലിക വാദികൾ (വർഗീയ വാദികൾ) ശാസ്ത്റ സത്യം അംഗീകരിക്കാൻ ഒരുക്കമല്ല.
. .ഭഗവത് ഗീത; അദ്ധ്യായം രണ്ട് അനുസരിച്ചു് "ഭൗതിക പ്രപഞ്ചം" ആകെ മായയാണ്; യഥാർത്ഥത്തിൽ ഉള്ളത് "ആത്മാവ് " ആണ്; അതിന് മരണമില്ല തുടങ്ങിയവയാണ് അർജുനന് കൃഷ്ണൻ നൽകുന്ന "ഉപദേശങ്ങൾ". (അതുകൊണ്ട് ഗുരുക്കന്മാരെയും ബന്ധുമിത്റാദികളെയും വധിക്കാം). എല്ലാ മതങ്ങളുടേയും നിലപാട് "ആത്മാവിനെ" അടിസ്ഥാനമാക്കിയാണ്. (എന്നാൽ "മാർക്സിസത്തിന്റെ" നിലപാട് ഭൗതിക പ്റപഞ്ചമാണ് സത്യം എന്നാണ്). യഥാർത്ഥത്തിൽ ഒരാൾക്ക് മരണം സംഭവിക്കുമ്പോൾ തലച്ചോറും അതിന്റെ ഭാഗമായ മനസ്സും എല്ലാം മരിക്കുകയാണ്. എന്നാൽ "മനസ്" നെയാണ് ആത്മാവ് ആയി ചിത്റീകരിച്ചുകൊണ്ട് മരണാനന്തര ജീവിതത്തിന്റെ മായ പ്റപഞ്ചത്തിൽ മതങ്ങൾ "സ്വർഗ്ഗ ലോകം" കെട്ടിപ്പടുത്തിരിക്കുന്നത്.
. .എന്താണ് ആത്മീയ ചൂഷണം? യഥാർത്ഥത്തിൽ മരണത്തോടെ അവസാനിക്കുന്ന "മനസ്" നെ "ആത്മാവ്" ആണ് നിത്യവും സത്യവും എന്ന് വിശ്വസിപ്പിച്ച് മതങ്ങൾ നടത്തുന്നതാണ് "ആത്മീയ ചൂഷണം. "അടിമത്വ" കാലത്ത് "അടിമ" ആയത് ദൈവ നിശ്ചയം ആണെന്ന് പഠിപ്പിച്ചാൽ "അടിമ" മോചനത്തിന് ശ്രമിക്കുകയില്ല എന്ന് "ഉടമ" മനസിലാക്കി. എല്ലാ മതങ്ങളും ശാസ്ത്റ സത്യങ്ങൾക്ക് എതിരാണ്. മതത്തിന്റെ അടിസ്ഥാനത്തിൽ രാഷ്ട്രീയ പാർട്ടികൾ സംഘടിപ്പിച്ച് പാവപെട്ട ജനങ്ങളെ വിഡ്ഢികളാക്കി അധികാരവും പണവും ഉണ്ടാക്കുന്നവർക്ക് അറിയാം തങ്ങൾ നടത്തുന്നത് വഞ്ചന തന്നെ ആണെന്ന്. കാരണം ശാസ്ത്റത്തിന്റെ പുരോഗതി അറിയാത്തവരല്ല മതത്തിന്റെ പേരിൽ ജനങ്ങളെ സംഘടിപ്പിക്കുന്നത്. അവരുടെ കൊടിയ "സ്വാർത്ഥത" എല്ലാ ശാസ്ത്റ സത്യങ്ങൾക്കും എതിരായ നിലപാട് എടുക്കാൻ അവരെ പ്രേരിപ്പിക്കുന്നു.
.
. .പാർട്ടി ക്ളാസുകളിൽ ഭൗതികവാദം "ദർശനം" ആണെന്നാണ് പഠിപ്പിക്കുക. യഥാർത്ഥത്തിൽ ശാസ്ത്രതത്വങ്ങളെ വികല മാക്കുകയാണ് അവ "ദർശനം" ആണെന്ന് സ്ഥാപിക്കുമ്പോൾ സംഭവിക്കുക. ദർശനം അഥവാ "വീക്ഷണ" ത്തിൽ പ്രവർത്തനം ഇല്ല. ആഹ്വാനം മാത്രം. "നിന്നെ പോലെ നിന്റെ അയൽക്കാരനെയും സ്നേഹിക്കണം", "ഒരു ജാതി, ഒരു മതം, ഒരു ദൈവം മനുഷ്യന്" തുടങ്ങിയവ ദർശന ങ്ങളാണ് അല്ലെങ്കിൽ സന്ദേശങ്ങൾ ആണ്. ആരും അനുസരിച്ചില്ലെങ്കിലും ആർക്കും പരാതി ഉണ്ടാവില്ല. എന്നാൽ അതല്ല ചൂഷക വർഗ്ഗങ്ങൾക്ക് അവരുടെ സമ്പത്ത് ദൈവം കൊടുത്തതല്ല, പാവപെട്ട ജനങ്ങളെ ചൂഷണം ചെയ്ത് ഉണ്ടാക്കുന്നതാണ് എന്ന് മാർക്സിസം സ്ഥാപിക്കുമ്പോൾ സംഭവിക്കുക. അവിടെ ആശയം ആയുധമായി ഉപയോഗിക്കുകയാണ്, ചൂഷക വർഗ വാഴ്ച എന്നന്നേക്കുമായി ഇല്ലാതാക്കുന്നതിനായി. നിർഭാഗ്യവശാൽ ഇന്ത്യയിൽ ചൂഷക വർഗങ്ങളെ പ്രോത്സാഹിപ്പി ക്കുകയാണ് "കമ്മ്യൂണിസ്റ്റ് പ്രസ്ഥാനങ്ങൾ" ഏറ്റെടുത്തിട്ടുള്ള ചുമതല. അപ്പോൾ തത്വശാസ്ത്രം കാഴ്ചവസ്തു ആയി, അങ്ങനെ "ദർശനം" നടത്തിക്കൊണ്ടിരിക്കുന്നു. ചൂഷകവർഗങ്ങൾ പാവപെട്ട ജനങ്ങളുടെ രക്തം ഊറ്റികുടിച്ചുകൊണ്ടിരിക്കുന്നു, പാവം കാറൽമാർക്സിന്റെ പേരും ഫോട്ടോയും ഉപയോഗിച്ച് തന്നെ.
(മുതലാളിത്തം പ്രോത്സാഹിപ്പിക്കാൻ പാർട്ടി തന്നെ തീരുമാനിക്കുമ്പോൾ ഭൗതിക വാദം അപ്രസക്തമാകും).
/
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ