69.വർഗീയതയെ നേരിടാൻ. വർഗീയതയെ നേരിടാൻ കോണ്ഗ്രസിനെ സഹായിക്കണം എന്ന് കേൾക്കുമ്പോൾ ഒരു വലിയ തമാശ ആയിട്ടാണ് എനിക്ക് തോന്നിയിട്ടുള്ളത്. തനിയെ നിൽക്കാൻ കഴിവില്ലാത്ത കോണ്ഗ്രസ് എങ്ങിനെയാണ് വർഗീയ വിപത്ത് നേരിടുക? അവർക്ക് അതിന് കഴിയുമെങ്കിൽ 2002 ലെ ഗുജറാത്ത് സംഭവമോ 2012 ലെ യൂ.പി. യിലെ സംഭവമോ ഉണ്ടാകുമായിരുന്നുവോ? ഇന്ന് നരേന്ദ്ര മോഡി സർക്കാർ ഉണ്ടാകുമായിരുന്നുവോ? വർഗീയ വിപത്തിനെ നേരിടാൻ കഴിയുക ചെങ്കൊടിയുടെ പ്രസ്ഥാനത്തിന് മാത്റം ആണ്. അതിനു തീരുമാനിക്കണം എന്ന് മാത്റം. പഴയ പുന്നപ്റ-വയലാർ സഖാക്കൾ ഉപയോഗിച്ച വാരിക്കുന്തം എടുക്കണം. അതിന്റെ ഒരറ്റത്ത് ചെങ്കൊടി കെട്ടി ഒരാൾ വർഗീയ കലാപം നടക്കുന്ന സ്ഥലത്ത് നില ഉറപ്പിച്ചാൽ മതി. വാരിക്കുന്തം ഉപയോഗിക്കാനല്ല. അത് കൊടി കെട്ടാൻ ഉപയോഗിക്കുന്നു എന്ന് മാത്റം. പക്ഷെ ആ കൊടിയുടെ അടുത്ത് രക്ഷ ആഗ്രഹിക്കുന്ന എല്ലാവരും എത്തികൊള്ളും. അവർക്ക് ആത്മവിശ്വാസം കൊടുക്കണം. അത് മാത്റം മതി. ഇൻഡ്യയിൽ ചെങ്കൊടി മുതലാളിത്തത്തിന്റെ കുറ്റിയിൽ കെട്ടിയത് കൊണ്ടാണ് അതിന് തുണിയുടെ വില പോലും ഇല്ലാതെ പോയത്. സോഷ്യലിസത്തിന്റെ കുറ്റിയിൽ കെട്ടിയാൽ കാര്യം വേറെയാകും. പുതിയ സഘാക്കളിൽ ചെങ്കൊടിയുടെ ചരിത്റം അറിയാത്തവരും ഉണ്ടാകും എന്നത് കൊണ്ട് പറയാം. 1917 ൽ ഒക്ടോബർ വിപ്ളവത്തിലൂടെ പഴയ റഷ്യയിൽ സോഷ്യലിസ്റ്റ് ശിശു ജനിച്ചത് കയ്യിൽ ഒരു ചെറിയ ചെങ്കൊടിയും കൊണ്ടാണ്. ആ കൊടിയിൽ സോഷ്യലിസവും മാർക്സിസവും ഉണ്ടായിരുന്നു. ആ കൊടി അവിടെ നിർവഹിച്ച പങ്ക് അറിഞ്ഞാൽ ആരും അമ്പരന്ന് പോകും. പ്റതി വിപ്ളവ അട്ടിമറിയുടെ ഭാഗമായി ട്സാർ ചക്റവർത്തിയുടെ സർവ സയ്ന്യാധിപൻ ആയിരുന്ന കൊല്ചാക്കിന്റെ നേതൃത്വത്തിൽ വെള്ളപട്ടാളം ചുവപ്പ് സേനയെ നേരിട്ടു. അവരെ സഹായിക്കാൻ എല്ലാ സാംബ്റാജ്യ ശക്തികളും ഉണ്ടായിരുന്നു. പതിനാല് യുദ്ധ മുഘങ്ങളിൽ ആയി ചുവപ്പ് സേനയെ നേരിട്ടു. നാല് വർഷത്തോളം പ്റതിവിപ്ളവ ആഭ്യന്തരയുദ്ധം നടന്നു. എന്നിട്ടും ആ സോഷ്യലിസ്റ്റു ശിശുവിനെ വക വരുത്താൻ പിന്തിരിപ്പന്മാർക്ക് കഴിഞ്ഞില്ല. പ്റതിവിപ്ളവ യുദ്ധം കഴിഞ്ഞപ്പോൾ വ്യവസായങ്ങളുടെ ശവപ്പറമ്പ് ആയിരുന്നു സോവിയറ്റ് യൂണിയൻ. അവിടെ നിന്നാണ് അവർ വളർന്നുവന്നത്. ഇവിടെ വർഗീയ വാദികളെ ആശയപരമായിട്ടാണ് നേരിടേണ്ടത്. എല്ലാവരും ശ്വസിക്കുന്ന വായു ഒന്നാണ്; കുടിക്കുന്ന ജലം ഒന്നാണ്; ഉപയോഗിക്കുന്ന ഭാഷ ഒന്നാണ്; കഴിക്കുന്ന ഭക്ഷണം ഒന്നാണ്; ഉപയോഗിക്കുന്ന ഉപകരണങ്ങൾ ഒന്നാണ്; എല്ലാവരും മനുഷ്യരാണ് എന്ന വസ്തുത എല്ലാവരും അന്ഗീകരിക്കണം എന്ന് മാത്റമേ നമുക്ക് പറയാനുള്ളൂ. എന്നാൽ പൊതുവെ മന്ദബുദ്ധികളായ (അല്ലാത്തവർ വർഗീയ വാദികൾ ആവില്ല) വർഗീയവാദികൾക്ക് ഇവ മനസ്സിലാകാൻ ബുദ്ധിമുട്ടാണ്. അപ്പോൾ അവർ ഇൻഡ്യയുടെ ഭരണ ഘടന അന്ഗീകരിക്കണം എന്ന് ആവശ്യപെടണം.(പരമാധികാര-സോഷ്യലിസ്റ്റ്-മതേതര-ജനാധിപത്യ റിപ്പബ്ളിക്കാണ് ഇൻഡ്യ). നാം അവിടെ ഉറച്ച് നിന്നാൽ മതി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ