60.ജ്യോതിഷം എന്ന വിവരക്കേട് . ശാസ്ത്രം എത്രമാത്രം പുരോഗമിച്ചാലും മനുഷ്യരാശിയെ പുറകോട്ട് ബലമായി പിടിച്ചുവലിക്കുന്ന വിവരക്കേടിന്റെ കോട്ടയാണ് ജ്യോതിഷം എന്ന പേരിൽ അറിയപെടുന്നത്. ഭൂമിക്ക് ഗോളാകൃതി ആണെന്നും അത് സ്വന്തം സാങ്കൽപ്പിക അച്ചുതണ്ടിൽ കറങ്ങികൊണ്ടിരിക്കുകയാണെന്നും അത് സൂര്യനെ പ്രദക്ഷിണം വയ്ക്കുകയാണെന്നും ചൂണ്ടികാണിച്ച ബ്രൂണോ എന്ന ശാസ്ത്രന്ജനെ മതം ജീവനോടെ ദഹിപ്പിച്ചു. ഗലീലിയൊയെയും കോപ്പെർ നിക്കസിനെയും ക്രൂരമായി പീഡിപ്പിച്ചു. എന്നാൽ ആ മതം ഇപ്പോൾ ശാസ്ത്രം അംഗീകരിക്കുന്നു. എന്നാൽ ഇപ്പോഴും നമ്മുടെ ജ്യോതിഷം ഭൂമി പരന്നതാണെന്നും സൂര്യനും ചന്ദ്രനും ഗ്രഹങ്ങളാണെന്നും അവ ഭൂമിയെയാണ് പ്രദക്ഷിണം വൈക്കുന്നത് എന്നുമുള്ള നിലപാടിലാണ്. ഭൂമിയെക്കാൾ പതിമൂന്നുലക്ഷം മടങ്ങ് വലിപ്പവും ലക്ഷക്കണക്കിന് ഡിഗ്രി സെൽഷ്യസിൽ കത്തിജ്വലിച്ചു--കൊണ്ടിരിക്കുന്നതുമായ സൂര്യൻ ജ്യോതിഷത്തിന് നക്ഷത്രമല്ല; ഗ്രഹമാണ്; അത് ഭൂമിയെയാണ് ഭ്രമണം ചെയ്യുന്നത്. ഇനിയും ഭൂൂമിയാണ് സൂൂര്യനെ പ്രദക്ഷിണം വയ്ക്കുന്നത് എന്ന് അന്ഗീകരിക്കുകയാനെങ്കിൽ പന്ത്രണ്ട് രാശികളിലായി 27 നക്ഷത്രങ്ങൾ മാത്രം കണ്ടാൽ മതിയോ? അശ്വതി മുതൽ രേവതി വരെ 27 നാളുകൾ (നക്ഷത്രങ്ങൾ) ആണ് ജ്യോതിഷതിനുള്ളത്. രാശി മാറി മാറി വരുമ്പോൾ നക്ഷത്രങ്ങളും മാറി മാറി ഉണ്ടാകേണ്ടതല്ലേ?ഇനിയും ഭൂമി അതിവേഗം ഭ്രമണം ചെയ്യുന്നതുകൊണ്ട് ഭൂമിക്കാകെ ബാധകമായ ഒരു സെക്കണ്ട് സമയം പോലും ഉണ്ടാവുകയില്ല. 24 മണിക്കൂർ കൊണ്ട് ഭൂമി ഒരു പ്രാവശ്യം ഭ്രമണം ചെയ്തിരിക്കും. അപ്പോൾ ഏതെങ്കിലും ഒരു സ്ഥലത്തെ സമയം കണക്കാക്കുന്നത് അർഥശൂന്യമല്ലേ? ഇനിയും ഒരു ശിശു യഥാർഥത്തിൽ ജനീക്കുന്നത് മാതാവിന്റെ ഗർഭാശയതിലാണ്. ആ സമയം ആർക്കും നിർണയിക്കാനാവില്ല. മാതാവ് പ്രസവിക്കുന്ന സമയം അല്ല കണക്കിലെടുക്കേണ്ടത്. ഇനിയും ചില നാളുകളിൽ ജനിച്ചാൽ വളരെ അപകടം ആണ്. പൂരാടം നക്ഷത്രവും ധനു ലഗ്നവും ചന്ദ്ര രാശി ലഗ്നമായി വന്നാൽ അവൻ/അവൾ പിതാവിനെ കൊല്ലും. നിസ്സഹായനായ പാവം കുഞ്ഞ് ജനിക്കുന്നത് മുതൽ എല്ലാവരുടെയും കുറ്റപെടുതലുകൾ കേൾക്കാൻ തുടങ്ങും. വിവരക്കേട് മാത്രം അല്ല; വളരെ അപകട കാരികൂടിയാണ് ജ്യോതിഷം. വിവാഹ ആവശ്യത്തിന് വേണ്ടി ആരെങ്കിലും "നിങ്ങൾ ഏത് നക്ഷത്രത്തിലാണ് ജനിച്ചത്" എന്ന് ചോദിച്ചാൽ തീർച്ചയായും പറയേണ്ട മറുപടി "ഞാൻ നക്ഷത്രത്തിലല്ല ജനിച്ചത്; എന്റെ മാതാവിന്റെ ഗർഭാശയത്തിലാണ് " എന്നാണ്. "ലക്ഷക്കണക്കിന് ഡിഗ്രി സെൽഷ്യസിൽ കത്തിജ്വലിച്ചുകൊണ്ടിരിക്കുന്ന ഒരു നക്ഷത്രത്തിലും ആർക്കും ജനിക്കാൻ ആവില്ല".
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ